Nos Ladislaus de Vech vicecomes et quatuor Judices Nobilium Comitatus hevesiensis, Memorie commendamus, quod nos ad legitimam peticionem Georgy Michaelis Sebastiani et Stephani de Thypazow ad infrascripta Inquirenda unum ex nobis videlicet Benedictum de Zek duximus transmittendum, qui demum exinde ad nos reversus nobis retulit istomodo, ut ipse feria secunda proxima post festum ad vincula beati petri apostoli in dicto Comitatu procedendo a Nobilibus et ignobilibus ac alterius cuiusvis status et condicionis dicti Comitatus hominibus et signanter a vicinis et commetaneis pallam et occulte diligenter Inquirendo resciuisset veritatem, quomodo hys diebus nunc proxime elapsis prouidi viri Gregorius fodor, Jacobus, petrus Chychka, Blasius Zel, Dominicus Isep, Benedictus Buzas, Mathias similiter Chichka, Simon hegedes, Johannes pechy, Thomas Kun, Ladislaus Beder, Marcus, Egius paruus, Anthonius, Nicolaus Sos, Gregorius Zechy, Dominicus Roland, Benedictus Isep, Petrus Zechy, Bartha et Anthonius Balog Jobagiones Egregy Nicolai de pelselcz in possessione sua Boch vocata commorantes, Item Blasius Zel, Dominicus Isep, Benedictus Buzas et Mathe Jobagiones domini petri de rozgon Episcopi ecclesie Agriensis in eadem possessione Boch vocata commorantes ad territorium cuiusdam predy prefatorum Georgy, Michaelis Sebastiani et Stephani Zach vocata (így) veniendo et magnam quantitatem prati ipsorum intra metas predicti predy adiacentis fere ad centum plaustra feni se extendencia falcassent et fenum falcatom auferentes asportassent potencia ipsorum mediante in preiudicium eorundem exponencium et dampnum ualde magnum. Datum in Verpleth feria secunda proxima post festum beati Stephani Regis, Anno domini Millesimo quadringentesimo tricesimo septimo.

Papíron, a szöveg alatt öt gyűrű-pecséttel; eredetije Lapispatakon, a Keczer cs. ltárában. Közli: Kiss Béla.