Nos Capitulum ecclesie Jauriensis memorie commendamus, quod nos literas patentes serenissimi principis et domini nostri domini Sigismundi Dei gracia Romanorum Regis semper Augusti ac Hungarie Bohemie Dalmacie Croacie etc. Regis, maiori suo sigillo consignatas, sumpma cum obediencia recepimus in hec verba: Sigismundus dei gracia Romanorum Rex semper Augustus ac Hungarie Bohemie Dalmacie Croacie etc. Rex, fidelibus nostris Capitulo ecclesie Jauriensis Salutem et graciam. Noveritis quod in congregacione nostra generali uniuersitati nobilium Jauriensis et Comaroniensis Comitatuum feria secunda proxima ante festum beati Barnabe apostoli prope oppidum nostrum Thata celebrata, nobilis domina Neste vocata filia Stephani magni de Olcha ex nobili domina Elizabeth vocata filia michaelis fily Dyonisy de dicta Olcha procreata, de medio aliorum exurgendo proposuit eomodo, quomodo mortuo annotato condam Mychaele auo suo, nostra maiestas eandem possessionem Olcha prefato Stephano magno patri suo propter defectum seminis sexus masculini eiusdem Mychaelis aui sui, noue nostre donacionis titulo dedisset et contulisset, dictaque domina Elizabeth annotato Stephano magno patri suo nupta fuisset, unde ipsam dotem et res parafernales domine aue sue, ac quartam puellarem prefate domine Elizabeth matris sue de uniuersis Juribus possessionariis annotati condam Mychaelis aui sui, Item similiter quartam puellarem suam nec non dotem et res parafernales prefate domine matris sue, de Juribus possessionariis annotati Stephani magni patris sui sibi prouenire debentibus, a ladislao filio eiusdem Stephani fratre suo rehabere vellet Jure admittente. Quo audito quia prefatus ladislaus personaliter in nostram exurgendo presenciam et assercioni annotate nobilis domine in nullo contraire velle, sed dicta Jura dotalicia ac annotatarum dominarum aue quartaliciaque earumdem domine Elyzabeth matris dicte actricis et eiusdem domine actricis Juxta Regni nostri consuetudinem secundum estimacionem eiusdem porcionis possessionarie extradare velle indicabat, ad ipsamque faciendam noster et vester homines transmitti debebant, pro eo fidelitati vestre firmiter precipiendo mandamus, quatenus vestrum mittatis hominem protestimonio fidedignum quo presente Mychael filius petri de vytelek, vel vyda filius eiusdem petri, aut Anthonius Rekes, sin Johannes paruus de eadem, seu Benedictus filius Mathie de Seler, an Thomas de Erky, alys absentibus homo noster, quintodecimo die festi natiuitatis beati Johannis Baptiste nunc venturo et diebus ad id aptis, ad faciem predicte possessionis Olcha vocate et per consequens porcionum annotatorum condam Mychaelis et Stephani magni in eadem habitarum, vicinis et commetaneis eiusdem universis inibi legitime conuocatis et partibus predictis uel earum legittimis procuratoribus presentibus accedendo, eandem habita prius legittima reambulacione, visisque et intuitis quibuslibet suis utilitatibus, regali mensura mensurando, uel si mensurare nequierit, visu considerando, unacum alys probis et nobilibus uiris deum et eius Justiciam habendo pre oculis, estimet in condigno suo precio et ualore lege regni nostri requirente. Et post hec ipsius possessionarie estimacionis seriem ut fuerit expediens vicario ecclesie Strigoniensis in spiritualibus generali rescribatis, ut ipse habita huiusmodi estimacione, ad solucionem dictorum Jurium dotaliciorum et quartaliciorum per ipsum in causam attractum dicte actrici faciendam terminum deputare valeat congruentem, Datum..... imo die congregacionis nostre predicte in loco memorato anno domini Millesimo quadringentesimo uigesimo nono. Regnorum nostrorum anno hungarie etc. XLIIImo, Romanorum XIX°, et Bohemie nono. Unde nos...... ipsius domini nostri regis in omnibus obedire cupientes ut tenemur, unacum prefato Mychaele filio petri de uytelek homine regio in prefatis literis suis inter alios homines regios conscriptos expresse nominato nostrum hominem videlicet Anthonium chori ecclesie nostre clericum ad premissa peragenda nostro pro testimonio fidedignum duximus transmittendum. Qui tandem ad nos exinde reuersi nobis concordier retulerunt. Quod prefatus homo..... presente dicto nostro testimonio in predicto quintodecimo die festi natiuitatis beati Johannis baptiste proxime preteriti ad faciem predicte possessionis Olcha uocate et per consequens porcionum annotatorum condam Mychaelis et Stephani magni in eadem habitarum vicinis et commetaneis eiusdem uniuersis inibi legitime conuocatis ac predictis partibus presentibus accessisset, et dum eandem habita prius reambulacione, visis et intuitis quibuslibet utilitatibus, mensurare cum regali mensere ac tandem unacum probis et nobilibus uiris, deum et eius iusticiam habendo pre oculis, in condigno precio et valore lege regni requirente ex causis premissis estimare uoluisset, tunc prefati Ladislaus filius Stephani et nobilis domina neste uocata super premissis Juribus dictarum duarum dominarum taliter concordassent, Quod iam dictus ladislaus filius Stephani magni pro Juribus dotaliciis et rebus parafernalibus (dictarum) duarum dominarum auie scilicet et matris prefate domine neste vocate, quintodecimo die festi beati Jacobi Apostoli proxime venturi coram nobis aut in Ciuitate nostra Jauriensi Quinquaginta florenos Centenarios.... nete regalis parata in pecunia absque aliquali estimacione rerum, prefate domine neste uocate aut legitimo procuratori eiusdem sub pena duppli dare et persoluere assumpsisset. Ceterum quia iam dictus Ladislaus filius Stephani adtunc de Juribus quartalicys predictarum duarum dominarum Juxta estimacionem porcionis possessionarie prefatorum condam Stephani et Mychaelis pecuniariit, solucione mediante ipsi domine se satisfacere non (posse) retulisset, Ideo quartam partem dicte possessionis sue Olcha uocate, puta tres sessiones cum media penes se se iuxta sessionem suam ab oriente adiacentes cum terris arabilibus, pratis, pascuis.... et alys uniuersis utilitatibus ad dictas tres sessiones cum media ab antiquo spectantibus, prefate domine Neste uocate et suis heredibus tamdiu titulo pignoris utendam et possidendam pignori obligasset, quouque ipse ladislaus uel sui heredes Juxta estimacionem earumdem de regni consuetudine faciendam parata in pecunia redimere ab eisdem, uel cum ipsis super premissis amicabiliter concordare possent. Datum sexto die termini prenotati anno domini supradicto.
Eredetije a gr. Khuen-Héderváry cs. ltban, „Viczay rész” fasc. 48. nr. 32. Közli: b. Radvánszky Béla.