Nos Sigismundus dei gracia Romanorum semper Augustus ete. Hungarie etc. rex, damus pro memoria, Quod nobis tricesimo octauo die octanarum festi Epiphaniarum domini proxime preteritarum unacum regni nostri nobilibus nobiscum in sede nostra Judiciaria sedentibus causalesque processus quorumlibet nostra speciali in presencia litigancium Justo Juris tramite discucientibus Stephanus filius pauli Bisseni de Galantha ad nostram specialem veniendo presenciam Egidium de degh Johannem et Sebastianum filius (így) Andree de eadem pro quibusdam actibus potenciariis videlicet pro potenciaria depredacione cuiusdam possessionis sue Kwpwsd vocata rerum eciam et bonorum in domibus et scrinys suis hostia earumdem domorum et scriniorum confraccione necnon nobilem lominam consortem ipsius Stephani verberacione homines eciam et familiares suo modo simili verberacione et wlneracione concremacioneque domorum predictarum contra ipsos per eosdem Egidium Sebastianum et Johannem in festo passce domini in anno eiusdem millesimo trecentesimo nonagesimo septimo transacto preterito perpetratarum in facto potencie ex eoque in sentencys capitalibus amissionibusque uniuersorum Jurium ipsorum possessionariorum ac rerum et bonorum eorumdem videlicet intra ambitum regni nostri existencium in duabus partibus nostris Judiciis in tercia vero parte eiusdem Stephani partis scilicet aduerse manibus redundandarum et aplicandarum contra se conuictum et aggravatum fore exhibente aliarum literarum nostrarum adiudicatoriarum in Visegrad duodecimo die octavarum festi beati Mychaelis Archangeli sine crastinacione anno in predicto preteritarum patenter confectarum declarando alegarat eomodo, quod super facto oneris prescripti facti potencialis sibi ex parte prefatorum Egidi Johannis et Sebastiani nulla satisfaccio fuisset impensa prescriptique Egidius et Johannes ab hac luce decessissent, unde si Juri consonaret et equitati videretur extunc ipse prefatum Sebastianum de degh de prescripto onere facti potencialis satisfactum contra se nostram specialem in presenciam legitime facere vellet euocari, et quia allegacio prefati Stephani Justa et Juri consona fore visa fuerat pro eo cum nos memoratum Sebastianum de prescripto onere facti potencialis satisfacturum contra annotatum Stephanum de Galantha per nostrum ac Capituli ecclesie nitriensis homines primo euocari et tandem contumacia sua requirente in tribus foris comprouincialibus publice et manifeste nostram specialem in presenciam ad presentes octauas festi penthecostes proclamari fecissemus, Tandem ipsis octauis instantibus prefatus dictus Stephanus dictus, Besenew de Galantha personaliter ad nostram specialem veniendo presenciam sibi ex parte pretitulati Sebastiani per nos super facto prescripti facti potencialis Juris equitatem postulauit impertiri. Quo percepto Demetrius de Thorozmel pro annotato Sebastiano cum procuratoriis literis dicti Capituli Nitriensis in nostram specialem exurgendo presenciam respondit ex aduerso, Quod ipse scilicet Sebastianus super prescripto facto potenciario literas haberet expeditorias efficaces, quas non ad presens sed in termino ulteriori per nos eidem dando exhibere promptus esset et paratus. Unde nos hys perceptis Judicantes commisimus eo modo ut annotatus Sebastianus de degh universas suas literas expedtorias si quas facto in premisso haberet confectas in octauis festi beati Jacobi apostoli nunc venturas exhibere teneatur coram nobis, quibus visis Judicium et Justiciam facere valeamus inter partes in premissis, prout dictauerit ordo Juris. Quia autem memoratus Sebastianus Judicium trium marcarum Judici et parti aduerse persoluere debens non persoluit, Ideo octauis in eisdem cum duplo persoluere teneatur. Presentes autem propter absenciam venerabilis patris domini Eberhardi Episcopi ecclesie Zagrabiensis aule nostre Cancellarii et Sigillorum nostrorum erga ipsum habitorum Sigillo eiusdem fecimus consignari. datum Bude vigesimo septimo die termini prenotati, Anno Domini Millesimo Quadringentesimo Sedecimo.
Kivűl: Super exhibendis quibusdam literis expeditoriis pro Sebastiano filio Andree de degh contra Stephanum dictum Beseneu de Galantha ad octauas festi benti Jacobi apostoli nostram specialem in presenciam prorogatoria.
Eredetije a gr. Khuen-Héderváry cs. ltban, „Viczay rész” fasc. 48. nr. 26. Közli: b. Radvánszky Béla.