Nos Lodouicus dei gracia Rex Hungarie Memorie commendantes tenore presencium significamus quibus expedit vniuersis, Quod nos deuotis supplicacionibus fidelium nostrorum nobilium virorum magistrorum........ Pauli et Stephani filiorum Nicolai Simonis et leukus filiorum ladislai dicti Wos et Johannis fily Thome fratrum suorum patruelium nominibus porrectis intuitu fidelium et meritoriorum obsequiorum eorumdem fauorabiliter inclinati forum liberum in quadam possessione ipsorum Chege vocata in Comitatu de doboka habita singulis ferys........ brandum sine tamen preiudicio fororum vicinorum. Vos igitur vniuersos mercatores et quoslibet forenses homines assecuramus per presentes quatenus deinceps ad predictum forum liberum modo premisso in dicta possessione Chege in singulis ebdomadis singulis ferys quartis ex presenti nostra annuencia et commissione per...... ure veniatis et negociaciones vestras in empcionibus et vendicionibus libere exerceatis foro in eodem. Quibus peractis et expeditis quocunque malueritis vel necesse vobis fuerit procedatis pacifice et quiete saluis vestris personis atque rebus sub nostra regia proteccione et tutela speciali. Et hec volumus........ presentes autem dum nobis reportate fuerint faciemus sub maiori Sigillo nostro priuilegialiter emanari. Datum in plyna in obsidione Castri Zokol terre Boznensi, sabbato proximo post octauas festi beatorum Petri et Pauli apostolorum anno domini M°. CCC°. lxmo tercio.
Lajos király föntebb említett átiratából közli: Deák Farkas.