Nos Capitulum ecclesie Transiluane memorie commendantes tenore presencium significamus quibus expedit vniuersis, quod accedentes ad nostram presenciam nobiles viri videlicet magister Nicolaus dictus Vos cum fratribus suis, ladislao uos dicto, Johanne dicto achyl, laurencio, Petro rufo, Thoma rufo et Deseu dicto uos ab una parte, ab altera uero Michaele, Nicolao, Thoma et Jacobo filys Jacobi fily Chama, propositum extitit per eosdem et relatum, quod ut omnis livor discordie de medio ipsorum extirpetur et pulchritudo pacis glorietur et se fraterne dilecciouis affectu amplecti possint et valeant, vniuersis causis causis (így) et earum articulis que actenus in medio ipsorum movebantur composicione et ordinacione proborum et nobilium virorum interveniente taliter concordassent et concordarunt coram nobis, quod predicti fily Jacobi fily Chama, Michael, Nicolaus, Thomas et Jacobus, porcionem eorum de quatuor villis scilicet de villa Gothardi ac de Chege et de villa Schentyuan nec non de uilla Syluas in comitatu de Dubuka existencium pro quadraginta marcis fini argenti prenominatis proximis suis Nicolao, Ladislao, Johanni, Laurencio, petro, Thome et Deseu vendidissent et vendiderunt coram nobis par eosdem plene habitis et receptis, tali obligamine mediante, quod iidem Nicolaus, Michael, Thomas et Jacobus tractu temporom quandocunque uel coram quouis Judice ipsi aut ipsorum heredes super facto predictarum quatuor possessionum lites seminare niterentur contra partem adversam tamquam in area potencialis duelli conuicti existant eo facto. Datum in octanis epiphaniarum domini: Anno eiusdem M° C CC° xl^mo nono.

Záró pecsét nyomaival; eredetije a gr. Wass cs. czegei ltárában. Megvan ugyanott az erdélyi káptalannak 1406-ban „in octavis festi beatorum Petri et Pauli apostolorum” „Nicolaus archidiaconus de Ozd” számára kiadott átiratában is. Közli: Deák Farkas.