Excellentissime domine sue Elisabeth Regine hungarie dei gracia Regine hungarie (így) Capitulum ecclesie agriensis oraciones in domino cum perpatua fidelitate. litteras vestre serenitatis recepimus reuerenter in hec uerba: Elizabeth dei gracia Regina hungarie, fidelibus suis Capitulo ecclesie agriensis salutem et graciam. Dicit nobis paulus Thout dictus, filius Pael (így), suo et Stephani fratris sui nomine, quod possessio eorum Pereznye alio nomine Thouthpalteleke vocate (így) inter possessiones Zenthpeter et Capulna existens in Comitatu de Borsod habita, reambulacione et nouarum metarum ereccione plurimum indigeret. Quo circa fidelitati uestre firmiter precipiendo mandamus, quatenus vestrum mittatis hominem pro testimonio fidedignum, coram quo Ladizlaus filius Petri uel Salamon filius Walteri aut Laurencius filius Johannis alys absentibus homo noster ad faciem prenotate possessionis Pereznye accedat conuocatis vicinis et commetaneis ac presencialiter ibidem existentibus reambulet eandem per veras et antiquas metas, nouas metas ubi necesse fuerit iuxta veteres erigendo. et facta reambulacione statuat eisdem filys Pauli perpetuo possidendam, si non fuerit per quempiam contradictum, contradictores vero si qui fuerint, contra eosdem ad regiam uel ad nostram citet presenciam ad terminum competentem. Et post hec tocius facti seriem cum cursibus metarum eidem domino nostro Regi uel nobis fideliter rescribatis. Datum in Wyssegrad feria tercia proxima post quindenas Epiphanie Domini. Anno eiusdem M° ccc^mo xl^mo primo. Nos igitur preceptis vestre excellencie satisfacere cupientes ut tenemur, cum prefato Laurencio filio Johannis homine vestro nostrum hominem virum ydoneum, videlicet dominum Johannem sacerdotem de choro, transmisimus pro testimonio ad premissa mandata uestra exsequenda. Quiquidem homo uester demum ad nos rediens nobis retulit eo modo, quod ipse vnacum dicto testimonio nostro accessissent ad faciem dicte possessionis Pereznye alio nomine Touthpalteleke uocate inter dictas possessiones Zenthpeter et Capulna existentis, et eandem vicinorum et commetaneorum ipsius vniuersorum legitimis conuocacionibus factis et eisdem presentibus, specialiterque Nicolao filio Mathyus de Kondo, Nicolao filio Gyurk de alachka, Johanne filio Johannis et Mychaele filio alberti de Alachka, Item Salamone filio Waltery de Kysfolud, et Ladislao filio Petri, per suas veras metas et antiquas reambulassent reambulatamque et ab aliorum possessionibus metali ereccione distinctam et separatam cum suis vtilitatibus quibuslibet et pertinencys iuxta continenciam preallegatarum litterarum nostrarum statuissent prenominatis Stephano et Paulo filys Pauli, ut ipsorum Jus perpetuo possidendam nemine contradictore aparente (így). Et prefatus homo noster similiter personaliter coram nobis comparendo premissa sic sicut idem homo vester nobis consequenter affirmauit. Mete autem dicte possessionis Pereznye, quibus ipsa a dictorum vicinorum et commetaneorum possessionibus distingitur et separatur, prout ydem uester et noster homines nobis expresserunt, hoc ordine protenduntur. Prima enim meta incipit iuxta fluuium Nygeudud a plaga septemtrionali, vbi est una meta terrea de nouo erecta, a qua versus plagam meridionalem in quadam ualle Noghuelgh vocata currendo circuit quemdam monticulum Thimlechhegy nuncupatum, et iungit vnam metam terream retro dictum montem ab eadem plaga meridionali erectam, que separat de dicta uilla Zenthpeter, de qua regirat ad plagam occidentalem et in eadem ualle currit uersus dictam possessionem Capulna et uenit ad vnam metam terream in acie cuiusdam Berch de nouo erectam. Et abinde decliuo modo ad plagam septemtrionalem pergendo transit ipsum fluvium Nygeudud et iungit vnam metam terream similiter de nouo erectam. Deindeque ad eandem plagam eundo annectit similiter vnam metam terream iuxta uiam de ipsa uilla Zenthpeter in dictam uillam Capulna ducentem erectam, et in eadem uia ipsam uersus uillam Capulna eundo prope ipsam uillam intrat in aliam viam, et in ipsa uersus dictam plagam supra currendo intrat in terciam magnam viam de ipsa uilla Zenthpeter egredientem, in cuius meatu est vna meta terrea de nouo erecta. In quaquidem uia postmodum uersus plagam occidentalem currendo exit de eadem ad dictam plagam septemtrionalem et venit ad vnam metam terream de nouo erectam, vnde in quadam valle ad monticulum Habrefeu uocatum currendo annectit duas metas terreas in uertice eiusdem monticuli erectas a possessione Kondo separantes, a quibus reflectitur versus partem orientalem, et currendo iungit similiter duas metas terreas in eodem Berch existentes et a possessione alachka separantes. Et ab hys ad eandem plagam infra currendo annectit quatuor metas angulares a dictis possessionibus Zenthpeter, alachka et Rubenteleke distingentes, de quibus adhuc ad eandem plagam in quadam ualle Haruztuswelgh vocata currendo uenit ad vnam uiam de ipsa uilla Capulna egredientem in cuius meatu est vna meta terrea, in quaquidem uia reflectitur uersus ipsam possessionem Capulna et paruum spacium in eadem currendo exit de eadem in terra arabili, uersus plagam meridionalem currendo annectit similiter vnam metam terream inter easdem terras arabiles erectam, a qua eundo iungit primam metam terream vbi inceperat et ibi terminatur. Datum feria quarta proxima post dominicam prenotatam, Anno supradicto.

Kivűl: Domine Elizabeth Dei gracia Regine Hungarie Domine sue pro Stephano et Paulo filys Pauli dicti Thouth super facto statucionis cuiusdam possessionis Pereznye vocate et ereccionis metarum eiusdem.

Hártyán, zárlatán egy nagyobb s egy kissebb pecsét nyomaival; eredetije Lapispatakon, a Keczer cs. ltárában. Közli: Nagy Gyula.