Nos Capitulum ecclesie agriensis damus pro memoria, Quod cum iuxta continenciam litterarum Magnifici viri Comitis Pauli Judicis Curie Regie modum et formam iudiciarie deliberacionis eiusdem exprimencium, Jacobus filius Jacobi et Gregorius filius eiusdem de yeche, Item Sebastianus filius Bacha et petrus filius suus de alia yeche, vigesimo quarto se nobilibus, videlicet quilibet eorum sexto se, contra pethew filium Mykotha secundo die octauarum festi sancti Jacobi apostoli coram nobis sacramentum prestare debuissent, ipso termino occurrente prefati Jacobus filius Jacobi Gregorius filius eiusdem et Sebastianus cum dictis coniuratoribus ipsorum, uidelicet vigesimo quarto se, quilibet ipsorum sexto se, deposuerunt Juramentum contra memoratum pethew coram nobis super eo, quod ipsi feria tercia proxima post festum pentecosthes, cuius iam reuolucio preterisset annualis, prefatum Pethew filium Mykutha in puplica (így) uia procedentem letalibus wlneribus non sauciassent, nec annotati Gregorius et petrus ex mandato et consilio eorumdem patrum suorum alioquin nocumentum irrogassent pethew supradicto. prefatus autem petrus filius Sebastiani, vt ydem Sebastianus Jacobus et Gregorius nobis retulerunt, infra terminum ipsius Juramentalis deposicionis per quosdam emulos suos fuisset interemptus, et dictus pethew similiter personaliter coram nobis comparendo ipsum Juramentum uidit et audiuit. Datum in crastino diey ipsius deposicionis Juramenti. Anno domini M°. cccmo. xxx°. nono.
Kivűl: pro Jacobo filio Jacobi et Gregorio filio suo de yeche ac Sebastiano filio Bacha contra pethew filium Mykotha super deposicione..... menti expeditoria.
Hártyán, zárlatán kerek pecsét nyomaival; eredetije Lapispatakon, a Keczer cs. ltárában. Közli: Nagy Gyula.