Discretis viris amicis suis reuerendis honorabili Capitulo ecclesie Transsiluane, Thomas Woyuoda Transsiluanus et Comes de Zonuk, sincere reuerencie et amicicie continuum incrementum Nouerit uestre discrecionis amicicia, quod in congregacione nostra generali Anno domini M° CCC° xxxmo Septimo, feria quarta proxima post Octauas festi beati Andree apostoli in Thorda celebrata, Nicolaus dictus wos Junior de Sancto egidio de medio vniuersorum assurgens, exhibuit nobis quasdam litteras clausas, nostras videlicet, Petew vicewoyuode nostri. Nicolai Comitis de Cluus et Judicum nobilium de eodem, Citatorias et Judiciales, In quibus Jacobum filium Johannis fily Mykola fratrem Gyerew, contra eundem Nicolaum dictum Wos, iuris ordine citatum in sex terminis legitimis, videlicet in primis in quadam congregacione nostra anno in predicto, in octauis festi sancti Georgy martiris, vuiuersitati nobilium partis Transsiluane in Thorda celebrata, eodem Nicolao dicto Wos de medio assurgente, et contra ipsum Jacobum fratrem Gyerew, in hunc modum, quod ipse Jacobus socerum suum quondam Comitem Desew dictum de elephanth, ad possessionem suam Zenthegied vocatam potencialiter adducendo et eandem possessionem spoliando et destruendo, equaciam suam quatraginta equas magnas et adultas poledrorum poledrorum (így) procreatas continentem abstulisset et aufferi fecisset sua astucia et induccione mediante, quas ydem Comes desew, ipsi Jacobo genero suo contulisset et nunc existerent apud eundem, duos sereientes suos interficiendo, et in premissis omnibus dampnum sibi Trecentarum marcarum irrogando, agente et proponente; Item in quindenis Octauarum festi eiusdem, nec non in Octauis festiuitatis Omnium Sanctorum, In quindenis festi beate elyzabeth vidue, ac in quadam alia congregacione nostra generali feria tercia proxima post festum beati Andree apostoli vniuersis nobilibus de doboka et de Cluus Comitatuum in Bonchyda habita, et inposterum in congregacione nostra generaliori proxime sequenti, Comitati (így) vniuersorum nobilium tocius partis Transsiluane feria quarta prescripta in Thorda celebrata, continue se succedentibus et decurrentibus, comperimus non comparuisse, ymo penitus se a facie nostra iudiciaria occultasse et absentasse, se per omnia in premissis nichilominus conuinci permittendo, in preiudicium iuris et iusticie eiusdem Nicolai derogacionem. Vnde licet iudiciarie auctoritatis vindex sentencia in ipsum Jacobum iamdudum iure promulgari debuisset, tamen nos rigori iuris misericordie lenitatem, qua vniuersos crudelitate temerarie rebellionis inportunizantes ad debite hobediencie obseruanciam et stramitem in ius iudiciarium reuocare tenemur, preferentes, vestre discrecionis amiciciam requirimus diligenter, quatenus vestrum mittatis hominem fidedignum pro testimonio, duo presente Jacobus filius Chama de Sancto egidio, vel Nicolaus de Moch altero absente homo noster, in Comitatibus de Cluus et de Doboka predictis, in tribus foris comprouincialibus, videlicet feria quinta proxima post diem Strennarum in foro de Clusvara, feria tercia huic proxime sequenti in foro de Bonchyda, et quarta feria post eundem terminum proxima in foro de Desvara, nunc affuturis, eundem Jacobum fratrem Gyerew, vt ydem in Octauis festi Purificacionis virginis gloriose proxime venturis, in Sancto emerico coram nobis compareat et iuri pareat de facto principali annotato contra predictum Nicolaum dictum Wos perhemptorie respunsurus, et nobis de nostris iudicys satisfacturus, legitime faciat palam proclamari. Datum die et loco et anno congregacionis nostre antedictis.
Kivűl: Discretis viris et honestis amicis suis reuerendis honorabili Capitulo ecclesie Transsiluane, pro Nicolao dicto Wos Juniori.
Hártyán, zárlatán pecsét nyomaival; eredetije a gr. Wass cs. czege ltárában, Lit. A. fasc. 1. nr. 3. Közli: Fehérpataky László.