Uniuersis xpi fidelibus presentem paginam inspecturis Capitulum ecclesie Waciensis salutem in domino. Res gesta labitur a memoria quam non serenat lucida sermo litterarum. Proinde vniuersorum noticie presencium et futurorum harum serie declaramus, Quod nobiles viri Comes Stephanus et Endre fily Endre Curui ab una parte, ab altera uero mobiles domine uidelicet domina Kyngue relicta comitis Endre (de Mene) soror ipsorum filiorum Endre, Paulus filius Madach, simul cum domina Elysabet consorte sua filia eiusdem domine Kyngue, comes Iwanka de Bukry gener suus similiter cum domina Margareta vxore sua simul(cum alia filia) eiusdem domine uidelicet domina relicta farkasy fily Symonis nomine Katha et alia filia sua nomine Clara nondum legitimo thoro tradita ad nostram personaliter accedentes presenciam coram nobis concorditer affirmarunt. Quod cum (causa inter) ipsos super facto duarum villarum seu possessionum Inin et Koplyon uocatarum mota fuisset et materia quescionis diucius uentillata, tandem ad ultimum mediantibus probis viris et eciam propter proximitatis unionem in talem pacis formam et concordiam deuenissent. Quod tota dimidietas dictarum dugrum villarum seu possessionum cum omnibus utilitatibus suis et pertinencys vniuersis distincta et separata per metas infrascriptas cederet in ius et proprietatem dictorum filiorum Endre et suorum heredum perpetualiter et irreuocabiliter possidenda. Alia uero medietate ipsarum possessionum eisdem dominabus filiabus domine relicte Endre predictis similiter perempniter et suis heredibus remanente, excepta quadam vinea que iacet super ipsam terram Inin, quam ipsa domina Kyngue usque uitam suam possidebit ut ius suum hereditarium, habens uiuens moriens ipsam vineam legandi, donandi, siue alienandi cuicunque uoluerit liberam et meram facultatem, que quidem domina Kyngue, si ipsam vineam operibus siue cultura emendauerit uel augmentauerit liberam habeat uolentatem faciendi nullo penitus contrarie existente, voluerunt eciam partes quod ipsas duas possessiones et suas utilitates seu prouentus ipsa domina Kyngue relicta Endre, quamdiu sibi fuerit uita comes, percipiet pro eo ut ipsas duas filias suas de prouentibus predictarum possessionum in legitimum thorum seu matrimonium ordinaret. Hoc eciam adiecto quod si quandocunque de quacunque parte ipsas possessiones processu temporis causa siue quescio inuaderet alter alterum uicisim (így) proprys laboribus suis et expensis iuuare tenebuntur. Et si qua parcium in vicinatu dictarum possessionum terram aliquam seu possessionem qualicunque modo acquirere possit utreque partes possidebunt in conmuni. Adiecerunt eciam quod quia ipsam villam Koplyon, que stat in metis, diuidere nequiuerunt, uoluerunt quod ipsa domina Kyngue relicta Endre de Mene usque uitam suam possideat ambas partes seu porciones, post decessum uero eiusdem ydem fily Endre Curui porciones suas in iobagionibus et mansionibus transferant ad suas porciones, et omnes litteras tam priuilegiales quam patentes seu eciam protestacionales et alias quascunque super ipsas possessiones inter se usque modo emanatas partes cassas et mortuas habere uoluerunt, ita ut quandocunque in presencia quorumlibet iudicum exhiberentur per quemcunque ipsorum, uiribus carerent et uigore. Metas autem per quas porciones ipsorum distinguntur hoc ordine distinctas esse dixerunt. Prima enim meta terre Iuin (így) incipit a parte acquilonis et in fine unius terre arabilis una meta terrea continetur, quam eisdem communiter fieri inter partes assignarunt. Deinde egreditur per medium vnius prati tendit directe uersus partem meridionalem ad finem ville Inin prenotate, ubi cadit ad unum Riuulum et in inferiori parte eiusdem ville Iuin, quem videlicet premissum Rivulum, qui currit per medium eiusdem ville, pro meta et termino inter partes assignarunt, deinde ascendit superius per eundem riuulum per medium ipsius ville et in superiori fine ipsius ville a parte occidentali similiter vna meta terrea continetur quam similiter in conmuni elegerunt inter partes, ab hinc procedit ad latus unius montis et in ipso loco una meta terrea similiter conmunis continetur, deinde tendit in latere eiusdem montis uersus partem meridionalem ubi in fine unius terre arabilis meta una terrea conmunis existit, abhinc ascendit ad cacumen unius montis ubi similiter una meta terrea conmunis continetur, et per eundem montem qui wlgariter berch uocatur tendit similiter uersus meridionalem partem ad unam arborem Ilicis qua stat eisdem similiter pro meta. Inde uergit per ipsum berch et postmodum in fine ipsius berch parum descendendo uersus terram seu possessionem demetri fily Ipoch cadit iterato ad metas antiquas et priores terre seu possessionis Iuin..... paruam arborem Ilicis eisdem similiter pro meta fieri uoluerunt inter partes. Terre uero seu possessionis Koplon uocate prima meta egreditur a parte meridionali a metis antiquis super unum montem....... unam arborem Kercy et deinde descendit ad unum pratum transeundo unum fluuium et uadit per medium ipsius prati ad unum dumum salicis que eisdem conmuniter pro meta fieri inter partes........ Inde ascendit directe superius in terris arabilibus transeundo duas vias versus partem aquilonis et circa viam superiorem una meta terrea conmunis continetur, deinde declinat parum ascendendo per rub....... acquilonis ubi in fine terrarum arabilium una meta terrea existit. Abhinc eundo per bonum passum inter terras arabiles similiter una meta terrea conmunis continetur, deinde tendit ad rub....... una arbore parua que wlgariter Niarpha uocatur una meta terrea conmunis continetur, abhinc procedit transeundo unam viam similiter ad partes acquilonis ubi in fine unius terre arabilis sub vna arbore....... Nyrpha uocatur et sub eadem vna meta terrea communis continetur, deinde ascendit transeundo rubos et terras arabiles similiter versus partem acquilonis ubi in fine vnius terre arabilis una meta terrea continetur et deinde cadit..... antiquas et priores et ibi terminatur uersus villam Ziudi. Et pars a parte septemtrionali remansit et cessit predictis comiti Stephano et magistro Endre filys Endre ac eorum heredibus, parte uero alia in utraque possessione predictis (filiabus) domine Kyngue a parte occidentali remanente. In cuius rei testimonium presentes ad instanciam ambarum parcium concessimus litteras sigilli nostri munimine roboratas, datum per manus magistri Laurency Lectoris ecclesie nostre. Anno domini M°. CCC°. quinto, feria secunda post festum Natiuitatis beate virginis, venerabili patre domino Haab episcopo nostro existente, presentibus domino Henrico preposito Johanne cantore Benedicto custode, Item Oliuerio waciensi Andrea pestiensi petro de Changrad Augustino de Zygethfeu Geublino de Zounuk archidiaconis existentibus et alys canonicis in..... virginis humiliter deo famulantibus et deuote.

Kétfele szakadt hártyán, függő pecsét nyomaival, fölűl cyrographummal; eredetije a N. Muzeumban, a Nagy István-féle gyűjteményben. Közli: Nagy Imre.