Nos Capitulum Ecclesie Zagrabiensis tenore presencium significamus quibus expedit vninersis, quod constitutis in nostri presencia ab vna parte Wlchk filio Rodik de Guerche, ab altera uero Marcolph pro se et pro fratribus suis, scilicet Paznano et Endreych nobilibus de eadem Guerche; idem Wlchk prenotatus confessus est, se vendidisse quandam possessionem suam hereditariam Merzlopole uocatam eidem Marcolph et fratribus suis supradictis, ac eorum heredibus heredumque suorum successoribus ivre perpetuo possidendam, infra consuetudinem Nobilium de Guerche ex antiquo approbatam, pro decem et octo marcis denariorum banalium, quas se dixit ab eisdem plenarie accepisse integrabiliter et habere. Cuius quidem possessionis mete, prout nobis Magister Bonora socius et concanonicus noster retulit, quem ad reambulandum dictam possessionem miseramus, taliter distinguntur: Prima videlicet meta dicte possessionis incipit in aqua Coranicha nocata, ubi quidem riuulus Brezeouech uocatus intrat dictam aquam Coranicha; inde vadit supra per eundem riuulum uersus orientem ad longum spacium, et peruenit sub montem vinearum, ubi intrat alter riuulus Thopoloueh uocatus in riuulum Brezeouech prenotatum; inde procedit per eundem Thopolonech supra, et exit ad montem, et uenit ad magnam viam; et per eandem viam procedendo adiungitur alteri vie, per quam viam itur de villa Dobrenin ad Stenichnak; inde fiectitur per eandem viam, et tendit ad septemtrionem; inde obmittendo dictam viam tendit per montem uersus occidentem per longum spacium, et descendens de monte uadit per planiciem in longo spacio, et peruenit ad arborem tulfa cruce signatam, que stat iuxta viam; inde tendit ultra siluam, et transiens dictam siluam exit ad planiciem, que wlgo dicitur ret, et per dictam planiciem vadit directe, et peruenit ad aquam Coranicham superius nominatam, et ibi commetatur terre Iheseueloque uocate; inde uadit sursum per dictam aquam Coranicham per longum spacium, et peruenit ad priorem metam, et sic terminatur. Astiterunt eciam vicini et proximi commetaneique supradictorum nobilium, scilicet emptorum et venditoris, Pezk filius Dragzini, Iuahen filius Craymerij, Gregorius filins Dobrotch, Stephanus et Johannes filij Icomery, Vid filius Wlkan, Wlk filius Polygrad, Radozlaus filius Tugoray; qui omnes in nostri presencia suo consensu factam vendicionem ratificabant. In cuius rey memoriam perpetuamque firmitatem presentes contulimus litteras nostras sigilli nostri pendentis munimine roboratas. Datum in festo Beate Margarete virginis anno Domini MşCCş nonagesimo nono.

(Eredetie bőrhártyán, sárga-ibolyaszinű selyemzsinóron függő pecsét alatt; a budai kir. kamarai levéltárnak Zágrábban lévő részében.)