Nos Capitulum Budensis Ecclesie memorie commendantes significamus vniuersis presencium per tenorem, quod Comes Petrus filius Tyburchij in nostri presencia personaliter constitutus asseruit proponendo spontanea uoluntate, quod cum ipse et Thomas frater suus filius Comitis Tyburchij fratris sui tanquam actores super destruccionibus possessionum eorum et alijs articulis satis arduis in presencia Comitis Martini Viceiudicis Curie domini Regis contra Comitem Dominicum de Turny dictum de Vysegrad causam habuissent, et ipsam causam eo quod ardua fuerit, ad Specialem Presenciam domini Andree illustris Regis Vngarie domini nostri deduxissent, et contra eundem Comitem Dominicum ipsi facta accione secundum formam judicij mediantibus instrumentis et litteris quam pluribus, videlicet domini Ladizlai quondam Regis Vngarie pie recordacionis, et Viceiudicum eiusdem diuersorum in Presencia eiusdem domini Andree Regis, presentibus eciam venerabilibus pratribus domino Johanne Archiepiscopo Colocensi, domino Benedicto Episcopo Waradiensi, Dominico Magistro Tauarnicorum eiusdem domini Regis, Magistro Demetrio Comite de Zolum, Magistro Johanne filio Chaak, Magistro Moys filio Alberty Baronibus, et alijs Nobilibus Regni quam pluribus, qui predicto Judicio Regio interfuerunt, per ipsum Comitem Dominicum in forma Judicij exhibitis, contra ipsos in nota calumpnie legittime conuicti fuissent, pro eo quia ipsant causam in facto destruccionis possessionum eorum tempore ipsius domini Regis Ladizlai et Viceiudicum eiusdem ordine judiciario requisitam et sopitam suscitassent. Et quia idem Thomas frater suus tamquam conscius sui criminis a Regia Presencia recessisset fugitiue, ipsumque Comitem Petrum, prout ipse idem affirmabat, pro huiusmodi notorio calumpnie vicio dominus Rex eidem Comiti Martino tamquam Judici ad assandum cum ferro candenti in sua facie, quemadmodum in huiusmodi calumpnie vicio conuicti iuxta Regni consuetudinem approbatam signari debent, captum tradidisset; pro qua quidem assacionis nota idem Comes Petrus, ne huiusmodi turpitudinem in facie eius in suum opprobrium sempiternum supportaret, quandam possessionem suam non coactus, nec compulsus, Wdal vocatam, in Comitatu Borsiensi iuxta fluuium Goron, cum insula que est in ipsis aquis Goron, et alijs vtilitatibus ac pertinecijs eiusdem vniuersis, sub eisdem metis et terminis, sub quibus per eundem Comitem Petrum habita fuisse dinoscitur et possessa, pro ducentis et quinquaginta marcis argenti Budensis, dedit, tradidit et assignauit ipsi Comiti Martino et per eum suis heredibus heredumque suorum successoribus irreuocabiliter iure perpetuo possidendam. Assumpsit nichilominus idem Comes Petrus dictum Comitem Martinum et suos heredes ab omnibus impetitoribus racione dicte possessionis molestantibus, et a propinquioribus de generacione sua, commetaneis et vicinis possessionis memorate defendere et liberare suo labore pro prio et expensis; cum idem Comes Petrus diceret, eandem prossessionem Wdol ad se solumpmodo, exceptis alijs generacionibus suis, pertinere. Assumpsit insuper idem Comes Petrus, et se ad hoc firmiter obligauit, vt si ipsam possessionem Wdol eidem Comiti Martino modo premisso venditam non posset liberare; extunc pro dicta nota calumpnie grauaretur modo supradicto, et insuper totam porcionem possessionis sue, quam haberet, amitteret ipso facto. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum per manus discreti viri Magistri Ladizlai Lectoris Ecclesie nostre anno Domini MşCCş nonagesimo sexto. Magistro Paulo Cantore Magistro Gregorio Custode, Stephano Decano; Nicolao, Andrea et Petro sacerdotibus; Thoma, Jacobo et Benedicto Magistris, ceterisque Canonicis existentibus.

(III. Endre királynak megerősítő privilegiumából, mint fentebb 469 szám alatt.)