Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus presentes litteras inspecturis salutem in salutis largitore. Pro sudoribus bene meritorum suorum Nostre conuenit Munificencie Regie appremiare, fidelitas in quo crescat, ceteros sui similitudine ad fidelitatis opera accendendo. Proinde ad vniuersorum noticiam tam presencium quam futurorum volumus peruenire, quod Comes Martinus filius Bugar Castellanus de Trenchinio fidelis noster ad nostram accedens presenciam quandam terram Castri Nyttriensis Suran vocatam a nobis sibi dari postulauit. Verum quia de ipsa terra nobis veritas ad planum non constabat; fidelibus nostris Capitulo Nyttriensi nostris litteris dedimus in mandatis, vt vnum ex ipsis mitterent virum ydoneum pro testimonio, coram quo Renoldus filius Gelardi homo noster, ipsam terram presentibus commetaneis et vicinis reambulando, si inueniret nostre collacioni eam pertinere, statuat eidem possidendam, contradictoribus si qui fuerint contra eundem ad nostram presenciam euocatis. Et preter hec qualitatem, contiguitatem, et omnes circumstancias eiusdem terre nobis rescriberent seriatim. Qui quidem propemodum nobis rescripserunt in hec verba:

Excellentissimo domino suo Andree stb. (következik a nyitrai káptalannak jelentése, mint alább 473. sz. a.)

Nos itaque commendabilem fidelitatem et grata seruicia eiusdem Comitis Martini, que nobis in omnibus expedicionibus nostris, ot specialiter contra Bohemos et Theutonicos pro conseruacione confiniorum Regni nostri continuum conflictum committendo, et eciam contra Barones Regni nostri, qui spiritu infidelitatis incitati contra Nostram nitebantur procedere Maiestatem, exhibuit et impendit, suam personam fortune casibus preliorum propter fidelitatem Nobis et Corone Regie debitam non formidans exponere, attendentes, volentesque pro tot et tantis seruicijs fidelitatum ipsius Comitis Martini eidem occurrere Regio cum fauore, quamquam plura et pociora mereretur, in aliqualem recompensacionem seruiciorum suorum dictam terram Suran cum suis vtilitatibus et pertinencijs vniuersis, prout olim per ipsum Castrum nostrum Nyttriense habita fuerat, ipsi Comiti Martino, et per eum suis heredibus heredumque suorum successoribus iure perpetuo et irre uocabiliter dedimus donauimus et contulimus possidendam. In cuius rei memoriam firmitatemque perpetuam presentes concessimus litteras dupplicis sigilli nostri munimine roboratas. Datum per manus venerabilis patris Theodori Dei gracia Episcopi Jauriensis Aule nostre Cancellarij dilecti et fidelis nostri anno Domini millesimo CCş nonagesimo sexto, quinto idus Octobris, Regni autem nostri anno septimo.

(I. Károly királynak 1323. XV. kalendas Junij »Martinus filius Bugar« kérésére kiadott megerősítő privilegiumából; néhai Rajcsányi Ádám kéziratai közt.)