Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis salutem in eo qui Regibus dat salutem. Ad vniuersorum noticiam harum serie volumus peruenire, quod Magister Johannes filius Comitis Enardi Comes Bachyensis dilectus et fidelis noster ad nostram accedens presenciam exhibuit nobis priuilegium domini Ladizlai quondam illustris Regis Hungarie karissimi fratris nostri patruelis felicissime recordacionis super relaxacione et exempcione populorum suorum a collecta victualium et marturinam inter Zawa et Basa existencium confectum, petens a nobis cum instancia, vt ipsum priuilegium Regis Ladizlai ratum habere et nostro dignaremur priuilegio confirmare. Cuius quidem priuilegij tenor talis est:
Ladizlaus Dei gracia Hungarie stb. Rex stb. (következik IV. László királynak 1276-ki privilegiuma, mint fentebb 147. sz. a.)
Vnde nos considerantes fidelitates et seruiciorum merits ipsius Magistri Johannis; que nobis in diuersis Regni nostri expedicionibus, maxime cum nos contra Ducem Austrie eleuato exercitu generali pro repellenda iniuria nobis et Regno nostro facta processissemus, et castra eiusdem Ducis quam plurima expugnari et dirui fecissemus, idem Magister Johannes in expugnacionibus dictorum castrorum, et specialiter sub castro Vienne cum alijs fidelibus nostris ad certandum sub dictum castrum destinatis, fideles et laudabiles exhibuit famulatus; ubi non sine effusione sanguinis sui euasit aliqualiter casum mortis. Attendentesque predietum priuilegium nobis exhibitum Regis Ladizlai non cancellatum, non abrasum, nec in aliqua sui parte viciatum, de uerbo ad uerbum preseritibus insertum auctoritate presencium confirmamus, dupplicis sigilli nostri munimine roborando; ymo graciam sepedicto Magistro Johanni per predictum Regem Ladizlaum factam ex nunc de plenitudine gracie nostre duximus innouandum et eciam conferendnm. Datum per manus venerabilis viri Magistri Theodori Albensis Ecclesie Prepositi, Aule nostre ViceCancellarij, dilecti et fidelis nostri, anno Domini millesimo ducentesimo nonagesimo primo, septimo idus Octobris, Regni autem nostri anno secundo. Venerabilibus patribus Lodomerio Strigoniensi, Johanne Colocensi et Johanne Spalatensi Archiepiscopis; Andrea Agriensi, Gregorio Chanadiensi, Ladizlao Waciensi, Benedicto Vesprimienai Aule domine Regine karissime consortis nostre Cancellario, Benedieto Waradiensi, Johanne Zagrabiensi, Andrea Jauriensi, Pouka Sirimienai et Petro Transiluano Episcopis Ecclesias Dei feliciter gubernantibus. Nicolao Palatino, Comite Simigiensi et Judice Cumanorum, Henrico Bano tocius Sclauonie, Rorando Woyuoda Transiluano et Comite de Zonuk, Johanne Magistro Thoarnicorum Comite Supruniensi, Thoma Judice Curie nostre, Ladizlao Magistro Dapiferorum, Jacobo Magistro Pincernarum, Miko Magistro Agasonum nostrorum; Laurencio Bano de Seurino, Comite de Keuy et de Crasu; Gregorio Comite Borsiensi et Nitriensi, Ladizlao Comite Jauriensi, Jacobo Comite de Sotmar et de Budrug, Gregorio Comite Zaladiensi, Opour Comite Posoniensi, Lukach Magistro Tharnicorum domine Regine karissime consortis nostre, Leurente Comite Wesprimiensi, Benedicto Comite Albensi, Paulo Comite Musuniensi, Gregorio Comite Tholnensi, Nicolao Comite de Wlkou, Kemeno Comite de Borona, et alijs quam pluribus Comitatus Regni tenentibus et honores.
(Eredetie bőrhártyán, melyről a pecsét töredéke ibolyaszínű selyem zsinóron függ; a budai kir. kamarai levéltárban. - Sok hibával kiadva Fejérnél Cod. Dipl. VI. k. 1. r. 128. l.)