Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Cbristi fidelibus tam presentibus quam futuris presentes litteras inspecturis salutem in omnium saluatore. Ad vniuersorum tam presencium quam futurorum noticiam herom serie volumus peruenire, quod Comes Nicolaus dictus Wez, Werrach, Corraldus et Seyfridus filij Hertuegh ad nostram accedentes Presenciam de Nostra Maiestate Regia humiliter supplicando postularunt, quod terram hospitum Castri nostri Castri Ferrey de Hydegsed Alber uocatam, uacuam et habitatoribus destitutam, per dominum Ladizlaum Regem, fratrem nostrum patruelem ob merita seruiciorum suorum ipsis datam et collatam, eisdem relinquere et conferre dignaremur. Nos itaque considerantes fidelitates et seruiciorum merita dictorum Comitis Nycolay, Warhach, Corrardi et Seyfridi, que nobis in diuersis expedicionibus in confinio Regni nostri emergentibus et alias fideliter semper impenderunt; primum uidelicet, quum tempore domini Regis Ladizlai, quando confinia Regni Hungarie et castra per Trusalch et alios Theotonicos fuerant occupata, ijdem Comes Nicolaus et fratres sui predicti cum Trusalch, qui tunc castrum Kurmend conseruabat, preliantes, se fortune casibus submittendo, Merch frater ipsorum extitit nteremptus. Item cum Diuino munere in Regni gubernaculum et solium successissemus iure et ordine geniture, predictus Werharch contra insultum Teothonicorum volencium inuadere confinia Regni nostri, sub castro Ruhanch cum ipsis Teothonicis pubuando strenne extitit letaliter uulneratus. Sub castro eciam Sancti Michaelis dictus Comes Nicolaus pro fidelitate nobis debita, baliste iaculo extitit sauciaitus. Attendentes eciam seruicia eorum in exercitu nostro, quem contra Albertum Ducem Austrie et Styrie habebamus, impensa omni fidelitatis cum feruore, in quo eciam exercitu Johannes Teothonicus cognatus eorum in expugnacione castri Boros fuit interfectus; et alia seruicia eorum plurima, que propter sui multitudinem longum suo moda esset enarrare, recensentes in animum: predictam terram Alher, per dictum Ladizlaum Regem mediantibus patentibus litteris suis datam et collatam, eisdem Comiti Nicolao, Werhach, Corrardo et Seyfrido, et eorum heredibus heredumque suorum successoribus relinquimus, et eciam de nouo conferimus iure perpetuo possidendam, cum omnibus vtilitatibus et pertinencijs suis vniuersis, sub eisdem metis et terminis antiquis, quibus ipsa primitus per dictos hospites Castri nostri habitata dinoscitur et possessa, a iurisdiceione dicti Castri exceptam penitus et exemptam. In cuius rey memoriam perpetuamqne firmitatem presentes concessimus litteras dupplicis sigilli nostri munimine roboratas. Datum per manus discreti viri Magistri Theodori Albensis Ecclesie Prepositi, Aule nostre ViceCancellarij, dilecti et fidelis nostri, anno Domini Mş ducentesimo nonagesimo primo, duodecimo kalendas Augusti, Regni autem nostri anno secundo.
(Eredetie bőrhártyán, fehér-zöld selyemzsinóron függő pecsét alatt a főmélt. herczeg Batthyáni család levéltárában.)