Nos Ladizlaus Dei gracia Rex Vngarie tenore presencium significamus vniuersis, quod accedens ad nostram presenciam Magister Corradus filius St. de Owar per modum protestacionis dixit nobis, ut quasdam possessiones ipsius Houf, Chwn et Meynharth uocatas Magister Vgudinus et Chakh Banus temporibus a quamplurimis indebite occupatas, possidendo detinuissent et illicitc possedissent. Et quia tempus non erat ordine juris mouere litis questionem; pro dictis possessionibus litteras patentes et protestacionales domini Bele Regis aui nostri; ac karissimi patris nostri Regis St. dixit se habere. Quas quidem, scilicet possessiones, propter non congruum statum Regni, ac controuersia in eodem Regno mota, similiter Demetrius Banus possideret. Petiuit eciam nostras litteras, ut si tempus sibi occurreret graciosum, contra Demetrium Banum procedere posset iuris ordine super reuocacione possessionum predictarum. Datum in Chegled feria tercia post festum Petri et Pauli Apostolorum.

(Eredetie bőrhártyán, melynek hátúl oda nyomott pecsétje elveszett a mélt. báró Révay család levéltárában.)