A B C
Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire, quod Pouka Voyvoda filio Comitis Pouka de Olwp ex vna parte, ab altera uero Magistro Nycolao filio Kene de Beel officiali Magistri Desev coram nobis personaliter constitutis, prefatus Pouka Voywoda proposuit viua uoce, quod quandam terram suam aquisitam Igrici vocatam in Comitatu de Borsod existentem, cum omnibus vtilitatibus et pertinencijs suis, sub eisdem certis et antiquis metis, quibns ipse possidebat, vendidisset predicto Magistro Desev pro centum marcis plene receptis ab eodem sibi et suis heredibus heredumque suorum successoribus iure perpetuo et inreuocabiliter pacifice possidendam et babendam. Insuper obligauit se idem Pouka Voyvoda et heredes suos, predictum Magistrum Desev ac heredes eiusdem vniuersos ab omnibus racione dicte terre inpetere nitentibus defendere et expedire proprijs laboribus et expensis, et in pacifica possessione ipsius terre indempniter conseruare. Et Comes Mengech filius Mengech, officialis venerabilis patris Andree Dei gracia Episcopi Agriensis, commetanei terre memorate pro ipso domino nostro coram nobis personaliter constitutus, huic vendicioni et empcioni plenum consensum prebuit et assensum. Alias autem terras predicte terre commetaneas et vicinas dixerunt esse desolatas. In cuius rey testimonium ad instanciam parcium presentes contulimus sigilli nostri munimine roboratas. Presentibus tamen Magistro Saulo Lectore, Marco de Patha, Martino de Heues, Nycolao de Svmbun Gregorio de Zobolch, Stephano de Zemlyn, Petro de Kemey Archidiaconis, et alijs multis; anno Domini MşCCş octuagesimo octauo; Regnante Ladizlao illustri Rege Hungarie; Lodomerio Strigoniensi, Johanne Colocensi Archiepiscopi; et domino nostro venerabili patre Andrea Dei gracia Episcopo Agriensi existentibus.
(Eredetie bőrhártyán, melyről a pecsét zöld-vörös selyemzsinóron függ; a budai kir. kamarai levéltárban.)