Nos Conuentus Monasterij Waradiensis damus pro memoria, quod cum Nicolaus Comes filius Iule pro Etele filio Johannis racione cuiusdam possessionis ipsius Etele Sari uocate in quindena Sancti Micaelis proximo preteria, secundum continenciam priorum litterarum nostrarum memorialium Micaeli filio Micaelis de Arpa, Ipolito, Oliuerio de Puruzlou, Alexandro, Valentino et Ladizlao de eadem, viginti sex marcas in ponderatis denarijs soluere debuisset coram nobis; et cum eodem die et loco dictus Etele litteras nostras priuilegiales pro possidenda seu optinenda possessione prescripta Sari ipsi Comiti Nicolao debuisset dare, sicut se ad hoc obligauerant; et cum Micael et alij sui cognati seu socij litteras nostras expeditorias pro morte Siluestri per ipsum Etele interfecti eidem Etele dare debuissent; insuper eciam similiter eodem die et loco omnes litteras, quas super processu nogocij eorum contra ipsum Etele habuerunt confectas, reddere debuissent Nicolao Comiti prenotato: ipsa quindena adueniente prefatus Nicolaus Comes dicto Etele presente et consenciente pro predicta possessione eiusdem Etele dictas viginti sex marcas in preparatis denarijs, et boni, ac ponderatis Micaeli, Ipolito, Oliuerio, Alexandro, Valentino et Ladizlao prenominatis personaliter astantibus uolebat soluere, sicut assumpserat coram nobis. Sed prenominati Micael, Ipolitus et alij eorum socij prenominati recipere seu acceptare pariter noluerunt, et litteras expeditorias ipsi Etele dare, ac alias litteras super processu negocij confectas reddere noluerunt Nicolao Comiti prenotato; sed dictus Etele litteras nostras priuilegiales soluta pecunia ipsi Nicolao Comiti dare promptus erat et paratus, ut assumpserat modo superius annotato. Datum quarto die post quindenam Sancti Micaelis.

Kivül: Pro Comite Nicolao filio Jule contra Micaelem et alios socios suos.

(Eredetie bőrhártyán; a zárpecsét elveszett; a budai kir. kamarai levéltárban.)