Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus, quam futuris presens scriptum inspecturis salutem in salutis largitore. Regali dignum est et expediens eos, qui in seruiciis dominicis diuinis se exercent, munificencia gratulari, vt eo amplius ipsorum exemplo ceteri incitati ad maiora fidelitatum studia perducantur, discantque suo naturali domino efficacius aderere. Proinde ad vniuersorum noticiam tenore presencium volumus peruenire: Quod accedens ad nostram presenciam Comes Petrus filius Comitis Myko terram cuiusdam ville Gay vocate, existentem in Comitatu de Thuroch, humiliter supplicans a nobis sibi dari postulauit. Et quia super facto dicte terre nobis plena non inerat certitudo, fidelibus nostris Preposito et Conuentui de Thuroch dedimus in mandatis, vt. Nicolao Comiti de Zolium vnum ex ipsis virum idoneum darent pro testimonio, coram quo idem Comes Nicolaus conuocatis vicinis et commetaneis eiusdem terre, predictam terram statueret eidem Comiti Petro, si non fieret contradictum: ad nostram presenciam contardictores ad terminum competentem euocando. Qui demum nobis rescripserunt, quod cum eodem Comite Nicolao vnum es ipsis virum idoneum pro testimonio destinassent, et ipse Comes Nicolaus predictam terram conuocatis vieinis et commetaneis eiusdem terre dicto Comiti Petro statuisset nullo penitus contradictore existente. Nos igitur qui ex officio suscepti regiminis metiri debemus merita singulorum, considerantes multiplices et laudabiles famulatus ipsius Comitis Petri, que nobis cum summa laude virtutum fideliter exhibuit et deuote, in recompensacionem fidelium et laudabilium seruiciorum ipsius Comitis Petri predictam terram cum omnibus vtilitatibus et pertinenciis suis vniuersis eidem Comiti Petro et suis heredibus heredumque suorum successoribus dedimus contulimus atque tradidimus jure perpetuo et irreuocabiliter possidendam; inducente eciam nos et mouente ad collacionem predicte terre faciendam donacione seu tradicione cuiusdam equi pelo (pejló) coloris alti precij, quem Regie aptum et congruum Maiestati ab eodem recepimus, ipso eodem nostre voluntati et peticioni in tradicione ipsius equi cum liberalitate fideliter occurrente. Cuius quidem terre mete, prout in litteris Prepositi et Conuentus vidimus contineri, hoc ordine distinguntur: Prima meta incipit a parte orientali inter alpes a capite fluuii Bystrycha; inde per siluas venit ad locum, qui dicitur Tempnekul; hinc descendit ad arborem piri usque metas ville Notser; inde descendit per viam ad arborem tulgfa vocatam; inde per antiquam viam limosam descendit usque magnam viam, que est prope ecclesiam Beati Michaelis ad iactum lapidis; ibi saliendo ipsam viam in longitudine vnius iugeris cadit ad fluuium Sernovicham, vadit ad calidam aquam Teplicha vocatam; inde eciam per fluuium Sernowicha parum ascendeudo exit ad occidentem et vadit ad magnam viam, et ibi tenet metas cum villa Cosmas; ibidem saliendo ipsam viam per metas et terminos vadit ad riuulum Bukuyna vocatum; inde vadit ad partem meridionalem ad siluam ad locum Wesweres vocatum; deinde vadit ad alpes; hinc per siluam reuertitur ad priorem locum ad caput fluuii Bistricha, et sie terminantur mete terre supradicte. Et vt nostre hujus donacionis series robur optineat perpetue firmitatis, presentes concessimus litteras duplicis sigilli nostri munimine roboratas. Datum per manus discreti viri Magistri Bartholomei aule nostre ViceCancellarii dilecti et fidelis nostri anno Domini millesimo ducentesimo octuagesimo primo, IIII. nonas Januarij, Regni autem nostri anno nono judicacionis nona.

(Eredetie Körmöcz sz. kir. város levéltárában. V. ö. Fejér Cod. Dipl. V. köt. 3. r. 75. l.)