Elizabeth dei gracia maior Regina Hungarie omnibus Christi fidelibus tam presentibus quam futuris presens scriptum inspecturis salutem in omnium saluatore. Reginalis deliberacionis prouida circumspeccio et circumspecta benignitas nos ammonet et inducit, ut quorumlibet fidelitati et seruicijs commode nobis impensis gratanti animo occuramus, condigna retribucione meritis eorundem fauorabiliter respondentes: quia dum eorum laboribus et honestis seruicijs fauorem prebemus et assensum, ceteros ad ampliora fidelitatis opera exemplo simili inuitamus, et de promptis reddimus prompciores. Proinde vniuersitatis uestre noticie tenore presencium fieri volumus manifestum; quod nos attendentes multiplices fidelitates et seruiciorum merita fidelis nostri nobilis viri Jacobi filij Ponich de geruere Buzad, Magistri Dapiferorum nostrorum, que domino nostro Regi Stephano consorti nostro karissimo inclite recordacionis, et domino Ladizlao Regi filio nostro karissimo, ac nobis, pro Regie Reginalisque Corone honore in diuersis Regni expedicionibus personam suam fortune casibus exponere non formidans, varijsque in necessitatibus ipsius domini Ladizlai karissimi filij nostri adhuc in etate tenera existentis, et nostris, post obitum domini nostri regis Stephani nos nullatenus relinquendo, cum summa fidelitate et deuocione laudabiliter inpendit et exhibuit indefesse, se et sua varijs periculorum generibus pro ipso domino Ladizlao Rege karissimo filio nostro et pro nobis exponere non verendo; et specialiter in effusione sui sanguinis, quum in expugnacione castrorum de Nowak et de Paka coram oculis Nostre Maiestatis laudabiliter dimicauit, letalia et mortalia sua nulnera subferendo. Volentes igitur eidem in reeonpensacionem seruiciorum suorum et effusionis sanguinis sui aliquam prouisionem facere licet ampliori remuneracione dignus esset: quandam possessionem nostram Chehy uocatam, in Comitatu Segusdiensi situatam, nostre per omnia collacioni pertinentem, cum omnibus utilitatibus suis et pertinencijs vniuersis dedimus, donauimus et contulimus ipsi Magistro Jacobo et suis heredibus heredumque suorum successoribus perpetuo et pacifice possiendam. In cuius rei memoriam firmitatemque perpetuam presentes eidem concessimus litteras duplicis sigilli nostri munimine roborata. Datum mer manus Magistri Wrbazij Prepositi Ecclesie Sancti Petri de Posaga aule nostre Candellarij fidelis nostri, anno Domini MşCCş octuagesimo.

(IV. László királynak 1280-ki megerősítő okmányából, mint fentebb 247. sz. a.)