Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentibus pariter et futuris presentes litteras inspecturis salutem in omnium saluatore. Vt collacianes Principum firmitate perpetua solidentur, litterarum solent munimine roborari. Inconcussum quippe permanetquod Regio fuerit patrocinio communitum. Proinde ad uniuersorum noticiam harum serie uolumus peruenire; quod domina Elysabeth soror nostra karissima in Monasterio Beatissime Virginis Gloriose de Insula Deo iugiter famulans quosdam vduoricos nostros, Chomoteum videlicet cum tribus filijs suis, Petrum cum duobus fratribus suis, et Buhtus cum fratribus suis de villa Teluky in Comitatu Symigiensi existentes, simul cum terris eorum petiuit a nobis sibi dari. Verum quia de ipsis vduornicis nostris et terris eorundem nobis ueritas ad plenum non constabat, fidelibus nostris Abbati et Conuentui Symigiensi dedimus in mandatis, ut hominem ipsorum ydoneum mitterent pro testimonio, coram quo Nicoalus filius Vros homo noster ipsos Chomoteum cum tribus filijs suis, Petrum cum duobus fratribus suis, et Buhtus cum fratribus suis, vduornicos nostros predictos, simul cum terris suis, statueret dicte domine Elysabeth sorori nostre karissime ad seruicia eorum consueta, que nobis inpendere consueuerunt ab antiquo, si non fieret contradictum; contradictores autem si qui fierent, ad nostram citarent presenciam ad terminum competentem. Qui quidem Conuentus nobis postmodum rescripserunt in hec uerba:

Excellentissimo in domino suo Ladizlao Dei gracia Regi Hungarie stb. (következik a somogyvári konventnek jelentése, mint alább 265. sz. a.)

Nos itaque peticionem ipsius domine Elysabeth sororis nostre karissime admittere cupientes Reio cum fauore, ut debemus, eosdem Chumoteum cum tribus filijs suis, Petrum cum duobus fratribus suis, et Buhtus cum fratribus suis, vd uornicos nostros, cum terris, vineis et omnibus alijs iuribus eorum in villa Telky existentibus, sub eadem condicione, in qua nobis et progenitoribus nostris seruire tenebantur, dedimus, donauimus atque tradidimus eidem domine Elysabeth, sorori nostre karissime, perpetuo inreuocabiliter possidendas. Vt igitur hec nostra collacio dicte domine sorori nostre karissime per nos facta ipsi Monasterio Virginis Gloriose perpetuo perseueret, nec per quempiam possit uel ualeat aliquatenus retractari, presentes concessimus litteras duplicis sigilli nostri munimine roboratas. Datum per manus venerabilis uiri Magistri Achonis, aule nostre ViceCancellarij, dilecti et fidelis nostri, anno Domini MşCCş octuagesimo, Regni autem nostri anno octauo.

(Eredetie bőrhártyán, melyről a pecsét töredéke sárga-vörös selyemzsinóron függ; a budai kir. kamarai levéltárban.)