Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus presentes litteras inspecturis salutem in omnium saluatore. (U)t collaciones Regum legitime factas Regalis Sublimitatis prouidencia suorum priuilegiorum testimonio muniat et confirmet, equites suadet, racio postulat, jus requirit; presertim cum id inconcussum permaneat, quod Regni fuerat patrocinio communitum. Proinde ad vniuersorum tam 91presencium, quam futurorum noticiam tenore presencium volumus peruenire: quod Sebastianus Comes de Torna fidelis noster ad nostram accedens presenciam exibuit nobis patentes litteras nostras super facto cuiusdam terre Nilos vocate emanatas, petens a nobis cum instancia, vt ipsas ratas habere, et nostro dignaremur priuilegio confirmare. Quarum quidem tenor talis est:

Nos Ladizlaus Dei gracia Rex Hungarie stb. (következik IV. László királynak adománylevele, mint fentebb 88. sz. alatt.)

Nos igitur fidelitates et seruiciorum merita ipsius Comitis Sebastiani, que idem in diuersis expedicionibus (Regum) Vngarie karissimi patris nostri Regis Stephani felicis recordacionis, et nostris temporibus, et specialiter in castro Kopornicha vocato, ad quod a facie karissimi patris nostri nos receperamus, ac in expugacione Castri Jauriensis, quod per Teotonicos capi contigerat; nec non sub castro Detrvh nuncupato, vbi exercitus Regis Boemorum contra nos insurgebat, fideliter impendit, laudabiliter et deuote, benignitate Regia recensentes; quamquam per hec et per alia sua meritoria seruicia attollendus maioribus haheretur, eandem tamen terram memoratam Comiti Sebastiano et per eum suis heredibus heredumque suorum sucessoribus dedimus, donauimus et contulimus iure pepetuo possidendam; et ipsas patentes litteras nostras ratas habentes et acceptas, auctoritate presencium duximus confirmandas. In cuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus Magistri Benedicti Sancte Strigoniensis Ecclesie Electi eiusdemque loci Comitis perpetui, Prepositi Budensis et aule nostre Vice Cancellarij dilecti et fidelis nostri, anno Domini MşCCşLXXş quarto, VII. kalendas Octobris Indiccione secunda Regni autem nostri anno tercio. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chenadiensi, Job Quinqueecclesiensi, Paulo Vesprimiensi aule nostre Cancellario, Philipo Waciensi aule domine Regine karissime consortis nostre Cancellario, Lodomerio Waradiensi, Timoteo Zagrabiensi, Dionisio Jauriens et Petro Transiluano Episcopis Ecclesias Dei feliciter gubernantibus. 92Dionisio Palatino Comite de Oklych et Judice Comanorum; Henrico Bano tocius Sclauonie; Nicolao Judice Curie nostre, Joachino Magistro Tauarnicorum nostrorum Comite de Plys; Nicolao Woyuoda Transiluano Comite de Zonuk; Herbordo Magistro Dapiferorum nostrorum Comite de Baranu; Petro Magistro Agasonum nostrorum Comite Zolugageriensi; Nicolao Magistro Pincernarum nostrorum; Moys Magistro Tauarnicorum ipsius domine Regine Comite Symigiensi, Gregorio Comite Castri Ferrei, Dedalo Comite Zaladiensi, Johanne Comite Nitriensi, et alijs quam pluribus Comitatus Regni nostri tenentibus et honores.

(Eredetie bőrhártyán, melynek függő pecsétje elveszett, a budai kir. kamarai levéltárban.)