Bela Dei gracia Vngarie, Dalmacie, Chroacie, Rame, Seruie, Gallicie, Lodomerie Cumanieque rex universis Christi fidelibus presentem paginam inspecturis salutem in omnium salvatore. Ad universorum tam presencium quam posterorum noticiam, harum tenore volumus pervenire, quod cum tempore coronacionis nostre superfluas et inutiles quorumdam antecessorum nostrorum donaciones, que in Corone Regie preiudicium facte fuerant, de Baronum nostrorum consilio revocare fecissemus; et idem karissimus frater noster, felicis memorie Rex Colomanus, Dux tocius Sclauonie, fecisset in Ducatu Sclauonie, quem obtinebat, relinquendo donaciones modo legitimo factas penes possessores: terram quandam Noak nuncapatam, Domui fratribus Sancti Sepulcri per Magistrum Julam collatam, non tam racione conferentis, quam intuitu Divine remuneracionis, memoratus frater noster, ipsi Domui in perpetuam elemosinam duxit relinquendam, ab ipsa pacifice possidendam; quod et nos, ipso viam universe carnis ingresso, ratum habuimus atque firmum. Et ut in posterum tocius disceptacionis materia auferetur, predictam terram ad requisicionem antedictorum fratrum, per fidelem clericum nostrum Magistrum Benedictum Quinqueecclesiensem, circumspici fecimus et metis novis iuxta statum antiquum innovari, nullo contradictore apparente. Et licet totum Supanatum de Nonak fideli nostro Prezde Bano contulerimus, predictam tamen terram exceptam esse volumus ab eodem, cum ipsam Domus prefata possederit longe ante. Mete autem ipsius terce, sicut per eundem clericum nostrum didicimus, hoc ordine distinguntur: Prima meta incipit supra rippam Drawe ab oriente ex parte Waska, iuxta terram Vrbani et Pouse iobagionum Castri Symigiensis in quadam arbore de kercu cruce signata, sub qua est meta terrea nova; et ibidem ad duas metas terreas progreditur versus meridiem ad unam arborem de kercu cruce sigatam, nova cruce et antiqua, ubi prope illas sunt due mete terree, una antiqua et alia nova; abinde ad unam arborem similiter de kercu, in que sunt tres cruces, due antique et tercia nova; deinde iuxta terram predictorum progrediens similiter versus meridiem pervenitur ad unam viam venientem de Waska in locum, ubi est arbor de kercu, in qua sunt due cruces, una antiqua et alia nova, et iuxta eandem due mete terree; inde ad duas metas terreas, quarum una est antiqua et alia nova; deinde per arbores cruce signatas iuxta terram eorumdem vadit ad duas metas terreas, quarum una est antiqua et alia nova; abhinc per unam metam veterem ad duas metas terreas, quarum una est antiqua et alia nova; inde similititer per unam metam veterem terream vadit ad arborem kercus, crucc signatam, ubi est meta terrea nova; deinde per arbores cruce signatas vadit similiter ad unam metam terream novam; inde per arbores cruce signatas venit ad viam magnam antiquam, iuxta quam est meta nova terrea, in que est arbor kercus cruce signata; et per eandem viam parum eundo exit de via ad metam terream novam, iuxta quam sunt arbores cruce signate; abhinc reflectit se parum ad meridiem (et) vadit per arbores cruce signatas, et pervenitur ad metam terream novam; deinde ad duas metas terreas; quarum una est antiqua et alia nova; inde eundo iuxta quandam mulakam a sinistris per arbores cruce signatas pervenitur ad metam terream antiquam, in qua est arbor kercus cruce signata et alia meta nova; inde eundo directe ad meridiem venitur ad metas terreas, quarum una est antiqua et alia nova; deinde similiter ad duas metas terreas antiquam et novam; deinde similiter ad tres metas terreas, quarum due sunt antique et una nova; abhinc eundo eodem modo vadit ad tres metas terreas, due sunt antique et una nova, ibique intrat viam venientem de Waska; inde per eandem viam per arbores cruce signatas pervenitur ad metam antiquam, in qua est arbor de pomo silvestri, et ibi est nova meta terrea; inde per eandem viam tendens venitur ad duas metas, una est antiqua sub arbore kercus cruce signata, et alia nova; inde eciam eundo directe venitur ad quadrivium, ubi sunt quatuor mete, tres antique et una nova, et ibi terminatur terra Vrbani et Pouse predictorum, et incipit tenere metam cum Emrico sacerdote; inde per eandem eundo venitur ad plures metas terreas; ac hinc parum eundo per antiquam metam exit de via ubi est meta terrea antiqua; inde vadit ad pirum ubi sunt due mete terree, una antiqua et alia nova iuxta villam Emrici sacerdotis; et iuxta eandem villam eundo per unam metam terream antiquam pervenitur ad arborem de pomo silvestri, cruce signatam ab antiquo, iuxta quam est meta de novo facta angularis; inde intrat ad Cherich usque ad aquam nomine Prothoh, et per aquam illam inflectitur superius versus villam Sancti Mychaelis, que est villa Domus Sancti Sepulcri, et vadit per eandem circumeundo ad partem occidentalem per magnum spacium, et pervenitur ad terram albi Boryn, ibique exit de aqua Cherich ad quandam pirum cruce signatam ab antiquo, sub qua est nova meta terrea; inde tendit versus aquilonem iuxta terram dicti Boryn pervenitur ad duas metas terreas iuxta viam venientem de Sancto Mychaele, transeundo illam viam per planiciem protenditur et venit directe ad duas metas terreas, quarum una est antiqua et alia nova; inde similiter eundo directe ad monticulum per metam terream pervenitur ad tres metas terreas, quarum due sunt antique et tercia nova; ibique terminatur terra Boryn (et) incipit tenere metam cum terra ville Nouak; inde venit ad duas metas terreas, antiquam et novam, in una est arbor kercus cruce signata; inde ad antiquam metam, iuxta quam est nova meta; abhinc ad tres metas terreas, duas antiquas et unam novam; inde (ad) arborem kercus, in qua sunt due cruces, una antiqua et alia nova, iuxta quam est una meta; inde per frutices pervenitur directe ad sepulcrum Paxa vocabulo, ubi sunt tres mete terree, due antique et una nova iuxta viam, et ibi intrat viam magnam euntem in villam Nouak; inde per eandem viam venitur ad duas metas terreas, unam antiquam et aliam novam; deinde per eandem viam venit similiter ad tres metas terreas, duas valde antiquas et unam novam; inde de illis tribus metis directe protenditur ad angulum muri curie Domus Sancti Sepulcri, et iuxta murum ex parte ville de Nouak pervenitur ad alium angulum eiusdem muri; inde per rectam lineam eundo cadit in Drawam, descendit inferius iuxta solitum cursum aque circuiens insulam, que pratum Thome Bani appellatur; deinde pervenitur ad metam priorem ubi fuit incepta, ibique terminatur. Ut igitur tam collacionis fratris nostri, quam confirmacionis nostre, series robur perpetuum obtineat, presentes dedimus litteras duplicis sigilli nostri munimine inretractabiliter roboratas. Anno Domini millesimo ducentesimo quinquagesimo quinto; tercio kalendas Aprilis, Regni autem nostri anno vicesimo.

(Tkalcsics, Monum. hist. Episc. Zagrabiensis I. köt. 103. l.)