Ego Johannes Michael Comes Ragusii cum Consiliariis et Nobilibus et Communi Ragusii iuramus tibi domino Stephano Urosso Regi, nostra voluntate, mundo corde, recta fide, sine fraude, quod ab hodie in antea diebus nostris et tuis nondivise simus fideles et recti amici tui, et quod vivamus vobiscum in amore et pace, sicut vixerant antecessores nostri et nos cum avo et patre vestro. Et quando placuerit tibi domino Regi vel tuis hominibus venire vel causas mittere in nostram Civitatem, Civitas nostra sit vobis aperta, et stetis sani sine ulla molestia, sicut est antiqua consuetudo. Et si aliquis inimicus tuus ante te fugerit in nostram Civitatem, recipiamus eum, sicet receperunt eum antecessores nostri, in consuetudine avi et patris tui, et nobiscum stando non noceat terre tue nullo modo. Et si nobiscum stando, aliquando tibi nocuerit, et manifeste illud ostensum fuerit, componat illud tibi, quod nocuerit; quod si non reddiderit, nos ligatum ipsum tibi dabimus; quod si ipsum tibi non dederimus, cum nostro habere illud dampnum componemus. Et tuus Comerzarius stet in nostra civitate cum omni directura donec tibi placuerit, sicut stetit diebus avi et patri tui, et si in alium locum illum posueris, nos non tenebimus tenere comercum. Et si aliquid iniustum factum fuerit inter nos vel inter homines nostros, cum iustitia iustificetur. Et hec pax diebus nostris et tuis nullo modo per nullum factum solvatur. Et stanec sit inter nos a Sancto Michaele usque ad Sanctum Georgium, sicut fuit diebus avi tui et patris tui cum nost ris antecessoribus et nobiscum in aliquo loco. Et judices, cum insimul fuerint, iurabunt rectum iudicium iudicare, sicut est consuetudo iudicandi.
† Isti iuraverunt: Prenominatus dominus Comes Johannes Michael, et Petrus Ballislave, Bubanna, Grubessa Gundule, Velcius Vladimiri, Clemens Sersii, Theodorus Bobatie, Johannes Catharinus, Petrus Srette, Jacobus Negamiri Cerne, Symon Benesse, Calenda Jampino, Marinus Zuynice, Johannes Sersii, Bocinus Babalii, Nyciforus Srette, Peregrinus, Bogadanus Pigini, Jacobus Vulpicelle, Petrus Scaritii, Dobraslavus Rastii etc.
(Eredetie a bécsi császári titkos levéltárban.)