Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Comaniaque Rex omnibus Christi fidelibus presens criptum inspecturis, salutem in eo, qui est salus omnium. Ad vniuersorum presencium ac posterorum noticiam harum serie volumus peruenire; quod Saulus filius Johannis de Insula ad nostram accedens presenciam humiliter nobis et instanter supplicando flagitauit; vt cum idem super terre sue negocijs per judices terrarum in Comitatu Posoniensi per nos constitutos sepe et sepius fuisset molestatus, quam, ut dicebat, terram ab ipso ijdem judices in magna quantitate abstulerant, et Castro restituerant; terram quam sibi relinquendam duxerant, ne vlterius molestaretur pro eadem, nostris sibi litteris dignaremur confirmare. Nos vero solito benignitatis nostre fauore ipsius peticionem, que justiciam continebat, intendentes admittere, dilectis et fidelibus nostris, I. Preposito, et A. Comiti Posoniensi dedimus in mandatis diligenter; in sua fide, qua Deo et nobis tenentur, studerent intimare, quantum terre predicto S. esset relicta (így) de sua et suorum conjudicum consciencia. Qui nobis, licet singulariter in diuersis litteris, et sub suo quilibet sigillo nobis non incognito, sub eodem omnino tenore et serie verborum rescripserunt sub hac forma:
Reuerendo domino suo B. stb. (következik Endre pozsonyi főispánnak jelentése IV. Béla királyhoz, mint alább 213. sz. alatt.)
Littere quoque Prepositi memorati litteris Comitis memorati omnino concordabant.
Nos autem tenorem ipsarum litterarum diligenter acceptantes, terram S. prefati et fratrum eius litteris presentibus dupplici sigillo nostro roboratis tam sibi quam suorum (így) heredibus et heredum successoribus duximus perpetuo confirmandam, silencium quibuslibet impeditoribus super hoc perpetuo imponendo. Datum in Zotmar anno gracie M°CC° tricesimo octauo, tercio kalendas Octobris, anno vero Regni nostri tercio.
(A győri káptalannak 1400. »in festo Beatorum Philippi et Jacobi Apostolorum« »nobilis domina Barbara vocata relicta, et Sigismundus filius Alexandra de Gwrgetegh, Mathius filius Mathius, Jacobus filius Jacobi, Ladislaus filius Stephani de eadem Gwrgetegh, et Ladislaus filius Johannis de Kelethy« kérésére kiadatott átiratából; a budai kir. kamarai levéltárban.)