Datur pro memoria, quod causam que in octauis Sancti Mychaelis Archangeli inter Comitem Kemynum, Chak et Renoldum filios Ebed ab una parte, et inter Keled filium Keled ab altera coram domino Rege fieri debuit, preueniendo ipsum terminum, de uoluntate parcium, statu priore permanente, ad Dominicam proximam post octauas Natiuitatis Beate Virginis ad arbitrium duximus prorogandam; quo die Pousa uel Hermanus Comites de Herman, Nicolaus filius Stephani, Andreas filius Endre, Thomas filius Moch, et Roman filius Ban pro parte Kemynij, Chak et Renoldi predictorum; item Comes Frank, Pousa filius Pousa, Andreas filius Comitis Petri, Sebastianus de Bablunca et Marcellus de Pacha pro parte aduersa coram Capitulo Castri Ferrei arbitrabuntur inter partes; et si omnes arbitty interesse non possent, quatuor tantum ex eisdem per partes ducti sufficiunt ad arbitrium faciendum. Et si inter ipsos per arbitrium predictorum uirorum fuerit ordinatum, bene quidem; alioquin in Ecclesia Sancti Mychaelis Archangeli coram domino Rege comparebunt partes peremptorie responsure et pars de arbitrio resiliens ante litis ingressum decem marcas soluere tenebitur parti arbitrium tolleranti. Seriem quidem sue composicionis partes in litteris dicti Capituli domino Regi reportabunt. Datum in Castro Ferreo in crastino Natiuitatis Beate Virginis.

Hátulról egykoru kézzel: Pro Kemyno et fratribus suis contra Keled super arbitrio.

(Eredetie bőrhártyán, melyről a zárpecsét már lehullott, a nemz. muzeum kézirattárában.)