Nos N. Palatinus, Comes Posoniensis et Judex Cumarnorum damus pro memoria, quod cum Petrus, Johannes frater eiusdem, Andreas filius Dominici, Band, Gelianus, Bolta, Paulus, Chelleus, Mathey, Saulus, Preucel et Bolta ac alij socij eorundem de Eyka in octauis Sancti Nicolay contra Mogh filium Donkus et alterum Mogh filium Domsa, Andream 423filium Symonis, et Symonem filium Symonis similiter de Eyka priuilegium Capituli Vesprimiensis et alia instrumenta super diuisione terre Eyka vocate antiquo inter ipsos emanata coram nobis statuere debuissent, tandem ipsis octauis aduenientibus ex nostra permissione per arbitrium proborum uirorum partes taliter concordarunt: Quod ijdem Petrus et socij sui supradicti eisdem Mogh et socijs ad addimentum porcionis eorum dare et assignare assumpserunt uiginti quinque iugera terrarum, decem de terra pingui et quindecim de terra campestri in octauis Purificacionis Beate Virginis; salua tamen porcione Comitis Chellei eidem remanente. Dederunt eciam quoddam molendinum, quod quondam Donkus tanquam suum possidebat; et licet priuilegium predicti Capituli et alia instrumenta superius nominata Petrus et socij sui predicti reddere ad cassandum debuissent; retulit nobis, quod ipsa instrumenta et priuilegium prescriptum continerent diuisiones aliarum generacionum suarum; postulantes a nobis, quod non cassaremus priuilegium et instrumenta predicta ne per id controuersia generaretur inter alias generaciones suas. Vnde nos peticioni ipsorum annuentes, noluimus infringere; sed decernimus, quod ubicunque et quandocunque coram quolibet judice priuilegium predictum et instrumenta exhiberentur contra Mogh, et alterum Mogh et socios suos prescriptos, cassa et inania, et penitus uiribus destituta habeantur, et insuper idem Petrus et socij sui prenotati racione exhibicionis priuilegij et instrumentorum prescriptorum contra Mogh et socios eiusdem pro conuictis habeantur absque strepitu judicij aliqualis. Datum in uilla Crako sexta feria proxima post octanas Sancti Nicolay.
Kivül: Contra Petrum et alios pro Mogh et alijs de Eyka.
(Eredetie bőrhártyán, a pecsét kivül oldalvást oda nyomva. Közölte Thaly Kálmán.)