Andreas Dei gracia Rex Vngarie fideli suo Comiti Ochuz salutem et graciam. Pro eo, quia te a filijs Herrici retrahendo nobis omnem fidelitatem exhibere es paratus, omni dileccione et fauore Regio prosequi volumus et amplecti, et possessiones, quas a nobis tibi reddi petebas, de munificencia 419Regia, presentibus Prelatis, Barronibus et Nobilibus Regni nostri reddemus et restituemus, iuxta tue fidelitatis voluntatem. Quare fidelitatem tuam mandantes requirimus, quatenus consuetam fidelitatem non desistas nobis opere adimplere; attrahendo tibi omnes cognatos tuos, et alios quos poteris, pro fidelitate, ut premisimus, nobis inpendenda. Et cognatos tuos, qui tibi adheserunt, similiter prosequi volumus omni dileccione Regio cum fauore. Datum Bude quarto de quindenarum Pentecostes.

Kívül: Fideli suo Comiti Ochuz.

(Eredetie bőrhártyán, a zárpecsét elveszett; a budai kir. kamarai levéltárban.)