Excellentissimo Domino suo domino Andree Dei gracia Illustri Regi Vugarie Conuentus Cruciferorum Ecclesie Sancti Regis Stephani de Strigonio oraciones in Domino. Receptis litteris Comitis St. Vicejudicis Curie Vestre Serenitatis, cum Sebastiano filio Potouch de Machala homine uestro nostrum hominem fidedignum nomine Nicolaum clericum cori nostri pro testimonio curauimus destinare. Qui demum ad nos reuersi nobis retulerunt, quod cum ipsi in eundo per quandam villam Archiepiscopalem Bulchu vocatam transire uoluissent, ad citandos Lorandum, Dyonisium, Michaelem, et alios nobiles de Kezu, et cum prefatus Dyonisius nobilis de Kezv cum Jacobo fratre suo ipso die, tempore et hora in ipsa villa Bulchu fuisset; et eosdem homines uestrum et nostrum requisiuisset, quo ire intenderet; et ijdem homo vester et noster dixissent, se ire ad citandos eosdem; tunt ijdem Dyonisius, et Jacobus frater eiusdem, cum seruientibus ipsorum, armatis manibus super eosdem irruissent, et enormiter percussissent eosdem, ac duos equos cum frenis et sellis, videlicet unum equum Magistri Zuard cum sella eiusdem ab homine nostro, et alium equum similiter cum sella et freno a seruiente Magistri Chaak, et gladium eiusdem seruientis, et cingulum cum bicello, ac alias res, eiciendo eosdem de ipsis equis in terram, recepissent ab eisdem; et nisi prefatus Sebastianus homo uester presidio fuge in ecclesiam ipsius ville euasisset, interfecissent eundem. Preterea postmodum sequenti die idem Sebastianus homo uester sub testimonio eiusdem hominis nostri, videlicet feria quinta proxima ante Ascensionem Domini citauit eosdem Loraudum, Dyonisium filium Symonis; Jacobum fratrem eiusdem, 359Michaelem et Andream filios Mauricij Bani, ac Tump, Egidium, Demetrium, Vr, et Emricum filium Laurencij seruientes eorundem contra Magistros Nicolaum, Zoard et Chak nepotes Wech ad presenciam Uestre Maiestatis, sabbatum proximum videlicet vigilias Pentecostes eisdem pro termino assignando. Datum in uigilia Ascensionis Domini anno Domini M°CC° nonagesimo nono.

Kívül: Domino Regi pro Magistro Nicolao, Zoard et Chaak nepotibus Wech rontra Lorandum, Mychaelem ac Dyonisium, Jacobum et alios ad sabbatum proximum videlicet ad vigilias Pentecostes.

(Eredetie bőrhártyán, a zárpecsét elveszett; a budai kir. kamarai levéltárban.)