Capitulum Ecclesie Sancti Martini de Scepus omnibus Christi fidelibus quibus presentes ostenduntur salutem in omnium saluatore. Quoniam memorie nouercatur obliuio; dignum est, ut acta temporaliter gesta scripture testimonio fulciantur. Proinde ad vniuersorum noticiam tenore presencium volumus peruenire, qnod constitutus coram nobis Yordanus Comes, frater Arnoldi Comitis, cum filio suo Nycholao, pro se et filio suo Arnoldo ex parte vna, Hench Comes gener venerabilis patris domini nostri J. miseracione Diuina Episcopi Scepusiensis ex altera; idem Yordanus Comes personaliter est confessus: quod de terra sua de terra sua de villa Nadost quandam particulam vsui vnius aratri sufficientem cum mensura Regia prememorato Hench Comiti pro triginta quinque marcis finiti argenti, filijs suis consencientibus, ceteris cognatis et amicis suis permittentibus, vendidisset, predictam terre particulam eidem Hench Comiti cum suis heredibus heredumque suorum successoribus iure hereditario perpetuo, quiete; pacifice possidendem pariter et habendam; sub eiusdem libertatis condicionibus, quibus predictam terram sepius memoratus Yordanus Comes primitus dinoscitur possedisse. Asseruit preterea antedictus Yordanus Comes, quod totam triginta quinque marcarum summam ab eodem Hench Comite plenarier et integre rccepisset. Cuius terre mete lioc ordine distinguntur: 321Prima meta incipit in veteri meta terrea, que diuidit ab iuuicem terras ville Vlenbach a terris Nadosti, tendens quasi sub modica obliquacione uersus orientem usque ad magnam viam uenientem de villa Vlenbach uersus Laucham; deinde ex directo ultra uie transitum in uertice protenditur ad locum, ubi est terminus terrarum ville Vlenbach et Comitis Yordani, et ibi est meta terrea; deinde in descensu montis ad partem meridionalem uergit directe per pratum usque ad riuulum, et in transitu riuuli inter viam et riuulum similiter est meta terrea; de eadem uero meta directe in ascensu montis procedit ad uerticem montis ad separacionem terrarum Yordani Comitis et ville Kurtuelis, ubi similiter meta terrea est erecta; deinde uersus occidentem ex directo flectitur ad antiquas metas terre Nadost, ubi terre Kurtuelis et Nadost ab inuicem separantur; de eadem autem meta directe ad aquilonem descendendo ad pratum, per transitum prati in ascensu montis reuertitur ad priorem metam; et sicdicte terre mete terminantur. In cuius rei memoriam firmitatemque perpetuam presentes concessi simus litteras sigilli nostri testimonio roboratas. Datum sabbato proximo ante quindenas Pentecostes, anno Domini millesimo ducentesimo nonagesimo octauo.

(Eredetie bőrhártyán, melyről a pecsét vörös-sárga selyemzsinóron függ a budai kir. kamarai levéltárban.)