In Christi nomine. Anno Incarnacionis M°CC° nonagesimo secundo, mensis Februarij die VI. intrante, indiccione quinta Jadre; temporibus domini Petri Gradonici Incliti Ducis Veneciarum et domini fratris Johannis de Anania venerabilis Jadrensis Archiepiscopi, ac domini Johannis Contareni Egregii Comitis; presentibus Nobilibus Viris dominis Marco Vitur, et Martino Bembo Consiliariis Jadre; domino Marco de Marsilio socio domini Johannis Contareni Comitis Jadrensis, et aliis pluribus testibus ad hec vocatis specialiter et rogatis. Actum in Curia Sancti Jacobi ultra portum Jadre. Dominus Georgius Comes Breberiensis solemniter inivit, fecit, et firmavit pro se ipso, et gente sua, ac suis subditis, et nomine Communis et hominum Almisii, meram, puram, et firmam treguam usque ad vnum annum completum cum Egregio viro domino Johanne Contareno, bone memorie domini Jacobi Contareni Ducis Veneciarum filio, Jadrensi Comite recipiente et stipulante nomine et vice Illustris domini Ducis Veneciarum, Communis, et hominum Civitatis ejusdem, nec non habitatorum, subiectorum et districtualium suorum. Promittens predictus dominus Comes Georgius predicto domino Johanni Contareno Jadrensi Comiti, recipienti et stipulanti nomine predicti domini Ducis, Communis et hominum Veneciarum, ut predictum est, quod ipse per se, et suos, ac homines Almisii non offendet, nec offendi faciet, vel permittet in rebus, vel personis Commune et homines Veneciarum, habitatores, fideles, districtuales, seu subditos dicti domini Ducis; sed eos omnes, et singulos eorum, habebunt salvos et securos ubique. Item eodem modo fromisit, quod si ipse tam per se, et suos, quam per homines Almisii attemptassent aliquid contra honorem dicti domini Ducis et Communis Veneciarum de terra Phare et Braze, vel aliqua alia terra, vel loco habente Rectorem pro dicto domino Duce in tarris suis, vel sibi subjectis, removebit se de hujusmodi attemptamento, et de cetero contra honorem ejus non attemptabit amplius de terris et locis predictis. Item quod predicti homines de Almisio, seu per ullos eorum vel alicujus eorum, seu per homines qui se receptarent pro eis, vel essent sub eorum dominio, non accostabunt se cum eorum lignis alicui, vel aliquibus ligno vel liguis Venetorom vel habitatorum Veneciarum, fidelium, vel subditorum, ac districtualium dicti domini Ducis; nec inferent eis, vel alicui eorum, nec alii, vel alijs, qui foret vel forent in dicto ligno vel lignis, injuriam, molestiam, damnum, offensionem, vel gravamen, in personis vel rebus eorum, qui essent in dicto ligno, vel lignis; et eciam predictos Venetos, habitatores Veneciarum, fideles, subditos; et districtuales dicti domini Ducis existentes in ligno, vel lignis forinsecorum, cum personis vel rebus non offendent, nec eis inferent nec facient injuriam, molestiam, damnum, offensionem, vel gravamen in personis vel rebus eorum; sed eos omnes, et singulos eorum, cum personis, bonis omnibus, et rebus eorum tam in suis, quam in forinsecorum ligno, vel lignis, habebunt salvos et securos, nec venient ab Ancona ultra versus Venecias, nec a Hya versus Venecias, nisi esset propter fortunam seu austeritatem temporis, in quo quidem neminem offendent, tam Venetum quam forensem, sed redibunt infra dictos confines quam cicius poterunt. Ceterum si contingeret aliquo casu, quod per dictum dominum Comitem Georgium, vel per aliquem hominem Almisii, seu subiectorum suorum, daretur damnum alicui Veneto, subjecto, fideli seu districtuali dicti domini Ducis et Communis Veneciarum; quod ipse dominus Comes Georgius teneatur totum damnum emendare, vel dare illos, qui damnum dederunt, in manibus dicti domini Ducis Veneciarum, infra XXX dies proximos, postquam et sicut per dominum Ducem Veneciarum predictum fuerit requisitus; redeunte ligno quod dederit damnum, in Almisium, vel hominibus ipsius, aut discaricatis, vel missis rebus acceptis in Almisium, vel in terris fidejussorum vel Communium infra scriptorum, vel in terris aliis subjectis predicto Comiti Georgio quocumque modo; alioquin ab ultimo die ipsorum XXX dierum in antea cadat ad penam infrascriptam, et nichilominus teneatur damnum integre emendare et restituere; et si accideret quod illi, qui commiserint vel dederint damnum non possent solvere vel restituere, quod acceperunt, datis ipsis hominibus in manus dicti domini Ducis, liberetur predictus dominus Comes Georgius a damno dato et pena. Insuper predictus do minus Georgius Comes per se, et suos, et nomine hominum et Comunis Almisij, ut predictum est, juravit ad Sancta Dei Evangelia corporaliter tacto libro in animam suam et suorum, et hominum predictorum Almisij, attendere, obseruare et adimplere, ac attendi et ebs eruari et adimpleri facere omnia et singula suprascripta, et non contrafacere; vel venire per se, vel per alios, aliqua racione, ingenio, sive causa sub pena lib. XV millium denariorum Venetorum parvorum, qua soluta fidejussores infrascripti sint absoluti. Et hoc dum terra predicta Almisij esset in manibus dicti domini Comitis Georgii et fratrum suorum, vel alterius pro eo, usque ad terminum supradictum. Et in horum fidem, et evidenciam pleniorem dictus dominus Comes Georgius presens publicum instrumentum sua bulla ac sigillo cereo communiri mandavit.
Versa vice predictus dominus Johannes Contareno Jadrensis Comes nomine et vice predicts domini Ducis et hominum Veneciarum, habitatorum, subiectorum, fidelium, districtualium suorum inivit, fecit, et firmavit meram, puram et firmam treguam usque ad predictum annum continuum et completum cum supradicto domino Comite Georgio recipiente et stipulante, tam suo et suorum nomine, quam hominum, et Communis Almisij; promittens, quod predictus dominus Dux pro se, seu pro Comite, et homines Veneciarum, habitatores, fideles, districtuales, seu subditi, non offendent, nec offendi facient, nec offendi permittent in personis vel rebus predictum dominum Comitem Georgium, nec Comitem et homines Almisij, nec alicujus eorum homines, vel subditos ubicumque existentes; sed eos omnes et singulos in personis et rebus, tam in mari quam in terra Almisij, et sui dominii, habebunt salvos et securos. Ceterum si dictus dominus Comes Georgius veniret Venecias occasione eundi ad Curiam domini Pape, vel alia occasione; dictus dominus Dux per se, et per dictos omnes suos, habebit et liaberi faciet eum cum sua comitiva in personis et rebus salvum et securum Veneciis, veniendo, stando, eundo, et redeundo.
(Lucius, De Regno Dalmatiae et Croatiae libri sex, IV. könyv 9. fejezet.)