Capitulum Ecclesie Waradiensis omnibus Christi fidelibus presens scriptum inspecturis salutem in Domino sempipiternam. Ad vniuersorum noticiam tam presencium quam futurorum harum serie volumus peruenire, quod Jacobus filius Laurencij de genere Vrsrwr pro se et Jacobo filio suo ab una parte, Comes Petrus filius Durug similiter pro se, Laurencio et Nicolao fratribus suis ab altera, coram nobis personaliter constituti proposuerunt in hunc modum: quod quasdam possessiones suas hereditarias, vt dicebant, ad inuicem cambiuissent tali modo, quod prefatus Jacobus possessionem Demetur vocatam, in qua ecclesia in honore Beati Demetrij martiris dicitur esse constructa, et aliam possessionem Tamasy appellatam, in qua ecclesia in honore Sancti Martini dicitur fore fundata, in Comitatu de Zobouch existentes, cum omnibus vtilitatibus earundem et pertinencijs Laurencio filio Nicolai, Jacobo filio Pauli et fratre suo, Ladizlauo de Gesty, Dominico filio Markys, Johanne filio Chepani, Cristophoro filio Cyboulch et fratre eiusdem, generacionis sue cognatis, iuxta continenciam litterarum Capituli Agriensis, prout in eisdem litteris per ipsum Jacobum nobis presentatis contineri vidimus, consencientibus et permittentibus, in concambium quarundam possessionum dicti Comitis Petri et fratrum suorum, Ihaaz et Baranus vocatarum in eodem Comitatu existencium, dedissent et assignassent eisdem filijs Durug et per ipsos ipsorum heredibus iure perpetuo et irreuocabiliter possidendam; quemadmodum e conuerso ipse Comes Petrus prescriptas possessiones suas Ihaaz et Baranus nominatas prefato Jacobo et suis heredibus irreuocabiliter assignauit; memoratus nichilominus Comes Petrus racione dicti concambij prefato Jacobo sexaginta marcas superaddidit et persoluit coram nobis. Obligantes se partes mutuo inuicem super terris prenotatis ab omnibus inpetere volentibus defensuros proprijs laboribus et expensis. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum in octauis Beatorum Petu et Pauli Apostolorum anno Domini M°CC° nonagesimo secundo. Domino Anthonio Preposito, Stephano Lectore, Iwan Cantore, Martino Custode Ecclesie nostre Magistris existentibus.

(Eredetie, börbártyán, a vörös selyemzsinóron függött pecsét elveszett; a budai kir. kamarai levéltárban.)