Nos Lodomerius miseracione Diuina Archiepiscopus Strigoniensis, locique eiusdem Comes perpetuus memorie commendantes significamus quibus expedit vniuersis: quod cum sorores de Insula Virginis Gloriose super libertate populorum et iobagionum suorum contra ciues Budenses graues iniurias et necessitates suas nobis exposuissent, nosque ex officij nostri debito Comitem Wernerium, Judicem eiusdem Castri, et Juratos de eodem, ad nostram presenciam euocari fecissemus; predicte sorores Beate Virginis de Insula litteras priuilegiales Regis Ladizlai super libertate populorum suorum concessas exhibuerunt, quas nos presentibus eisdem, videlicet Judice et Juratis, de uerbo ad uerbum fecimus relegi, prout opportebat. Cuius tenor talis est:
Ladizlaus D. gr. Hung. stb. Rex stb. (következik IV. László királynak 1278-ki privilegiuma, mint gyüjteményünk IX. vagyis a második folyam IV. kötetében 203. l.)
Nos itaque ex officio nostro debito iusticiam earundem religiosarum dominarum sororum de Insule Beate Virginis cognosscentes, quarum eciam de speciali mandato domini Pape sumus protectores, et pariter prouisores de negocio premisso duximus moderandum: Vt deinceps idem Judex et Jurati ac vniuersi ciues de Castro Budensi populos predictarum sororum Virginis Gloriose contra libertatem eis concessam non possent, nec deberent in aliquo iudicare, nec alios ad easdem spectantes aliquatenus molestare, uel iurisdiccionem aliquam eisdem exercere. Quod et eciam Judex et predicti Jurati prefate Ciuitatis presencialiter se promiserunt obseruare; assumpmentes, quod populos earundem dominarum in nullo casu iudicarent, nec eciam agrauarent; sed in omni suo iure permitterent pacifice et quiete permanere secundum quod libertas eorundem populorum in litteris eiusdem Regis Ladizlai continetur. In cuius rei memoriam et perpetuam firmitatem nostras concessimus litteras sigilli nostri autentici appensione communitas. Datum anno Domini M°CC°LXXXX° secundo.
(Eredetie bőrhártyán, melyről zöld-vörös selyemzsinóron függ az érsek pecsétje; a budai kir. kamarai levéltárban.)