In Dei nomine Amen. Anno Natiuitatis eiusdem M°CC° nonagesimo primo, indiccione quarta die XXII. Januarij Quum aperte sacra teltetur Scriptura, necesse esse vt eueniant scandala, et per loca ac ciuitates orbis terrarum guerre ac pestilencie sepissime oriantur - - - - - scripta communia de persecucionibus et guerris inuicem volentes conculcare, sed pocius ad honorem ac fidem debitam gloriosi Regis Hungarie conseruare: propterea his diebus in presencia infrascriptorum testium, nobilis viri domini Micha Petri de Spalato, Sindici et procuratoris Communis ac singularium personarum Ciuitatis Spalati, prout de eius Sindicatu patet per instrumentum publicum - - - - - - - Notarij confectum ex parte una; et nobilis viri domini Dessa Mursize de Tragurio, Sindici et procuratoris Communis et singularium personarum Ciuitatis Tragurij, vt de eius Sindicatu constat per instrumentum publicum in manu sua confectum, per me Nicolaum Palmerij Notarium visum et lectum ex parte altera; vnanimiter et concorditer Sindici earum Ciuitatem nomine, et de consensu, voluntate et licencia ipsorum Communium fecerunt inter se etc. societatem, amiciciam et generalem vnitatem, habituram et duraturam inter dicta Communia per quinque annos proxime venturos, complendos et continuos, quam quidem societatem et amiciam et vnitatem promiserunt dicti Sindici ad inuicem vnus alteri nomine ipsorum Communium vsque ad predictum tempus tenere et obseruare - - - - et illibatam, non obstantibus aliquibus casibus, factis seu condicionibus, qui interuenerunt et contigerunt inter Communia, vel personas suprascriptas, seu alicuius ipsorum. Promittentes ad inuicem ipsi Sindici vnus alteri, nomine vt supra, amicari et inimicari quibuscumque Communibus et personis, que et qualia amicarent seu inimicarent alteri Communium predictorum, ac eciam vna alteri ipsorum dare omne consilium, auxilium et defensionem contra omnia illa Communia et personas singulares, que vel qualia guerras, lesiones et dampna facerent seu inferrent alteri horum Communium predictorum per aquas seu terras; salua semper reuerencia, honore et fidelitate debita pro Serenissimo et Illustrissimo nostro Rege Hungarie, ac eciam domini Bani, qui pro tempore fuerit pro ipso domino Rege. Et promiserunt predicti Sindici ad inuicem vnus alteri Sindico, nomine vt supra, eligere Comitem et Potestatem siue Rectorem de vna et eadem terra prout de terra fuerint inuicem concordes, ad prefinitum dictum tempus. Que omnia et gingula supradicta dicti Sindici obligarunt se sindicario nomine ipsorum Communium ad inuicem vnus alteri attendere et obseruare, et in nullo contra facere vel venire, sub pena MM marcharum argenti, obligacione bonorum ipsorum Communium, medietas cuius pene deueniat in Serenis simum Regem Hungarie, et alia medietas deueniat Ciuitati sernanti predicta. Que pena tocies conueniatur et exigi possit cum effectu a parte non obseruante, quocies per aliquam vel aliqua ipsorum in predictis aut aliqua predictorum fuerit contrauentum. Qua pena soluta vel non, saluum sit presens contractum. Insuper predicti Sindici nomine ipsorum Communium ad conseruacionem et obseruacionem omnium predictorum iurauerunt ad Sancta Dei Euangelia corporaliter libro tacto, predicta omnia ei singula firma et rata habere et tenere, et in nullo contrafacere vel venire de iure vel de facto, sub pena et obligacione bonorum dictorum Communium. Actum apud Tragurium in ecclesia Sancti Johannis. Presentibus domino Stephano domini Rugerij de Ancona Potestate Ciuitatis Spalati, et domino Alberguccio domini Jacobi Potestate Tragurij; domino Benuenuto eius socio, domino Valentino de Casarizzo, domino Josepho Petri, domino Lucio Matthei, domino Nicolao Casiocti, domino Theodosio Alberti, domino Petro Leonardi, domino Priuoslauo Dobrolij, domino Duymo Domiche, Maio Dobro, Siluestro Mengazi, et alijs testibus rogatis.
(Lucius, Memorie storiche di Trau 130. l.)