Nos Capitulum Vesprimiensis Ecclesie damus pro memoria: quod cum ad peticionem Andree, Chelley, et filiorum suprum, Ayka videlicet et Stephani, Nobilium de Ayka, hominem nostrum, Paulum scilicet sacerdotem de Berend ad audiendum arbitrium, quod fieri deberet inter ipsos, misissemus: idem postmodum homo noster, cum Magistro Pous pro dictis Comite Chelleo patre suo et fratribus suis, ac Lodomerio, sicut dixit, seruiente dicti Comitis Andree pro ipso domino suo comparentibus, ad nos venientes personaliter nobis dixerunt: quod super causa, que inter predictos nobiles coram domino J. Palatino uertebatur, mediantibus probis viris taliter concordassent; quod ijdem Stephanus et Ayka dicti filij Comitis Chelley, adiunctis sibi decem et octo consimilibus eis nobilibus super dampno ad valorem et quantitatem XX marcarum, quod per pridem Comitem Andream eisdem impingebatur, deberent sabbato proximo post festum Beate Katarine virginis uenturo, corporaliter prestito sacramento taliter coram nobis se purgare: quod idem Comes Andreas nec per ipsos, nec per seruientes eorum, Dominicum videlicet, Paulum Sclauum et Franch eidem suspectos, nec facto, nec consilio, nec scitu ipsorum premissum dampnum perpessum extitisset. Quod quidem sacramentum, sicut idem homo noster cum predictis procuratoribus parcium recitauit, idem Comes Andreas ob fauorem cognacionis predictorum de beneplacito suo, sibi ipso die faciendum coram nobis in personis saltim Stephani et Ayka predictorum, ac Karul cognati eorum de Chytuan relaxasset. Datum in festo Sancti Clementis Pape.

Kivül: Pro filijs Chelley super sacramento faciendo.

(Az eredeti után, melyet közölt tek. Thaly Kálmán úr.)