Uniuersis presentes litteras inspecturis Capitulum Ecclesie Strigoniensis salutem in Domino sempiternam. Ad vniuersorum roticiam tenore presencium volumus peruenire, quod nobilis vir Lampertus filius Nycolai de genere Hunthpaznan ad presenciam nostram accedens, dimidiam partem possessionis siue terre sue Beel uocate sub monte Scycen in Comitatu Huntensi existentis, certis metis et antiquis terminis limitate, videlicet porcionem de eadem possessione ipsum de iure hereditario contingentem, ex permissione et beneplacito ac consensu commetaneorum et consanguineorum suorum, scilicet filij Ders de magno naso cum villa sua Princh uocata eidem possessioni proxime uicinantis; et Alexandri filij Welk de generacione sua prefata in vicinitate cum villa sua Kalesata uocata eciam adiacentis, pro trecentis marcis argenti de Banya, ad plenum habitis et receptis, honesto viro Nycolao filio Hermani de Selmeczbanya ciui, pro quo Vrricus filius Sefrech seruiens suus super hoc facto comparuit coram nobis, et posteritatibus eiusdem Nycolai successiuis confessus est se vendidisse et assignasse, vna cum dimidietate ville in eadem terra Beel existentis, et vtilitatum ac pertinenciarum suarum, in perpetuum pacifice possidendam; ita ut ab omnibus causis racione dimidie partis eiusdem possessionis et vtilitatum suarum venditarum, scilicet eidem vt prescripsimus Nycolao, per Stephanum fratrem ipsius Lamperti, uel quemlibet alium hominem vllo unquam tempore suscitatis, ipsum Nycolaum et suos posteros ipse Lampertus et sui successores, sicut assumpsit et ad hoc se firmiter obligauit, expedient indempniter suis proprijs laboribus et expensis. Asserens idem Lampertus prenotatam dimidiam partem possessionis siue terre Beel in redempcionem et remutacionem eiusdem Stephani fratris sui in captiuitate existentis se ex necessitate ineuitabili vendidisse; condicione et obligacione huiusmodi mediante, vt si eidem Stephano fratri suo predictam dimidietatem possessionis iam uenditam uidelicet Regni consuetudo remutandam decerneret et pariter rehabendam, non posset aliquatenus remutari, nisi prius illis trecentis marcis argenti prenotati eidem Nycolao ex parte ipsius Stephani restitutis; salua tamen alia parte eiusdem possessionis sev terre Beel, que eidem Stephano fratri suo debetur. In cuius rey firmitatem et memoriam sempiternam presentes litteras ad peticionem et instanciam ipsius Lamperti nostro sigillo dedimus communi tas. Datum per manus discreti viri Magistri Cypriani Ecclesie nostre Lectoris anno Domini MşCCş nonagesimo pridie nonas Julij.

(Eredetie bőrhártyán, melyről a pecsét zöld-vörös selyemzsinóron függ; a budai kir. kamarai levéltárban.)