In Christi nomine Amen; die dominico XIV. mensis Madii, presentibus Jacobo Donato Leonardi Gisi Sancti Eustachii, Pancracio Venerio Sancti Johannis decollati, et Marco Maripetro Sancti Severij, Cauto Canzellario, et Rustechino Benintendi Notario et scriba Ducatus Veneciarum testibus vocatis, et rogatis, et aliis multis. Coram Illustri domino Petro Gradonico Dei gracia Veneciarum, Dalmacie atque Chroacie Duce et Domino Quarte Partis et Dimidie tocius Imperii Romanie, astantibus sibi nobilibus viris Andrea de Molino, Leonardo Venerio, Marino Ruzino, Cratono Dandulo, Gabriele Delfino et Johanne Superancio Sancti Angeli. Nobiles viri domini Pasqua de Varicasso et Domaldus de Sadulino, cives Jadre, nuncii, procuratores, sindici et actores Egregii viri domini Pauli Brebariensis Bani et ejus fratrum Comitis Georgii et Comitis Mladini, ad infrascripta constituti, sicut apparet per instrumentum publicum inde scriptum et roboratum per manum Henrici Imperiali auctoritate Notarii et Jadrensis - - - - - - anno ab Incarnacione Christi millessimo ducentesimo octogesimo nono, indiccione tercia die sexto intrante mense Martij, procuratorio, sindicario et actorio nomine pro predictis dominis Paulo Bano, et Comitibus Georgio, et Mladino fratribus, solemniter inierunt, fecerunt, et firmaverunt meram puram et firmam treugiam usque ad tres annos continuos et completos, cum predicto Magnifico domino Petro Gradonico Dei gracia Veneciarum, Dalmacie atque Chroacie Duce, et domino Quarte Partis et Dimidie totius Imperii Romanie, recipienti, et stipulanti pro se et Communi et hominibus Veneciarum, habitatoribus, subiectis, et districtualibus suis. Promittentes nomine quo dictum est supra dicto domino Duci recipienti pro se, pro Communi, et hominibus Veneciarum, quod predicti fratres, vel aliquis eorum per se seu per homines Almisii, seu per vllos eorum, vel alicuius eorum homines subditos, seu per homines qui se receptarent in Banatu vel Comitatibus predictorum dominorum fratrum, seu in aliis eorum terris, vel sub eorum, vel alicujus eorum dominio, non offendent, nec offendi facient, nec offendi permittent in personis vel rebus dictum dominum Ducem, Commune et homines Veneciarum, nec habitatores fideles, districtuales seu subditos dicti domini Ducis, nec aliquam terram seu locum habentem Rectorem pro dicto domino Duce - - - - - - - - -
(A velenczei „Liber pactorum Ferarie” czimű államkönyvből 97. 1.; a. belgrádi tudományos társaság „Glasznikja” XV. köt. 207. l.)