Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Ad uniuersorum noticiam tenore presencium uolumus peruenire; quod Comes Demetrius filius Andree de genere Rusd ad nostram accedens presenciam a nobis instantissime supplicando postulauit, ut quandam terram Zuda vocatam, Castri nostri de Zemlen, que eidem per dominum Regem Stephanum patrem nostrum karissimum collata fuerat cum priuilegio suo roborando, et per nos postmodum ipsius karissimi patris nostri donacio confirmata, Lukachio et Ezen filijs Andree dimidietatem ipsius terre; item aliam dimidietatem Johanni (et) Michaeli filijs Kecchem, et Luka patrueli eorumdem, seruientibus suis, dare et conferre de benignitate Regia dignaremur. Nos igitur consideratis seruicijs et fidelitatibus prefatorum filiorum Andree et Keccbem, que ijdem cum omni feruore fidelitatis in omnibus expedicionibus Regni nostri, se diuersis fortune casibus submittendo, fideliter inpenderunt, prefatam terram Zuda, cum omnibus vtiltatibus et pertinencijs suis, memoratis Lukachio, Ezen, Johanni, Michaeli et Luka iure perpetuo, et in heredum heredes, duximus conferendam, sub eisdem metis et terminis, quibus per Comitem Demetrium prefatum limitata fuerat et possessa. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus venerabilis viri Magistri Johannis Prepositi. Budensis, Albensis Ecclesie Electi, aule nostre Vice Carcellarij dilecti et fidelis nostri. Anno Domini MşCCşLXXş octauo Regni autem nostri anno septimo.

(Eredetie börhártyán, a pecsét elveszett; a mélt. báró Perényi család levéltárában.)