Anno MşCCşLXXXşVIIş die XXV. Marcij, Generali et Maiori Consilio Ciuitatis Traguriensis, mandato predicti domini Capitanei in palacio dicti Communis, sono campane et voce preconis more solito congregato; predictus dominus Capitaneus proposuit, et consilium sibi dari pecijt: quod cum deliberatum fuerit, quod eleccio noui Regiminis faceretur qualiter, et quomodo sit dicta eleccio facienda consilium petit exhiberi. In reformacione cuius consilij placuit toti Consilio, facto partito per predictum dominum Capitaneum de leuando ad sedendum placuit, quod fiat eleccio de huminibus de Firmo vsque ad quinque eundo de primo ad secundum vsque ad vltimum; et si omnes electi recusauerint, ille qui iturus est pro dicta ambaxiata, faciat nouam eleccionem cum consilio domini Palmerij de Falco cum salario sexcentarum librarum cum vno socio, vno notario, et cum illa familia ad voluntatem ipsius Potestatis; et quod suum tempus incipiat ea die, qua de suo officio prestiterit sacramentum.

Item placuit, quod impetretur securitas pro Potestate et familia sua a domino Comite de Dalmissanis - - - - electus nuncius Siluester Mingacij.

Electi sunt per Consilium de Firmo: dominus Johannes de Cauendenis; dominus Raynaldus Georgij; dominas Raynaldus Paradelsi; dominus Petrus Jacobi Marci; dominus Fransiscus Suppi.

Item partito facto super ambaxiata retracta in presenti Consilio per Joardum ex parte domini Comitis, qui retraxit, et dixit: quod quia dominus Episcopus dicitur velle ire ad Curiam Romanam contra Sibenicenses, ipse dominus Comes remisit pacem, et Comitatum seu officium Comitis; et quod deinde non habeant in eum spem, immo custodiant se. Placuit toti Consilio; quod ambaxatores, qui sunt ituri ad dominum Banum pro dicta occasione, vadant ad ipsum dominum Comitem; et illam excusacionem, quam facturi sunt coram domino Bano, faciant coram eo.

Item facto partito per predictum dominum Capitaneum, si ob hoc facienda est aliqua custodia de hominibus vel animalibus; placuit toti Consilio, quod illi, qui custodiunt portas, non permittant exire bonas dominas extra terram, seu extra ianuam.

(Lucius, Memorie storiche di Trau 121. 1. A mennyiben itt többször a „praedictus dominus Capitaneus” említtetik, Lucius így szól: „il capitanio, che era all’hora in luoco del Podesta, il cui nome non s’esprime.” stb.)