Uniuersis Christi fidelibus, presentes litteras inspecturis, permissione Diunina (igy) Guillermus Corinthiensis, Raynaldus Messanensis, Petrus Arborensis Archiepiscopi, Petrus Haiocensis (?), Vincencius Portugalensis, Herricus Saxenas, Bernardus Humanas, Symeon Balneoregensis, Tholomeus Sardamensis, Acerus Wexionensis, Andreas Asloensis, Obertus Clusiensis, Guido Papiensis, Gerahardus Brandburgensis, Aredolus Ouetensis, Robertus Rorensis, Aredericus Senogaliensis, Orlandus Spoletanus, Paulus Tripolitanus, Bartholomeus Anteradensis, Bernardus Perusinus, Bonus Johannes Esculanus Episcopi, salutem in Domino. Licet is, de cuius munere uenit, ut sibi a fidelibus suis digne ac laudabiliter seruiatur; de habundancia pietatis sue merita suplicum excedens et uota, bene seruientibus multo maiora tribuat, quam ualeant promereri: desiderantes tamen reddere Domino populum acceptabilem, fideles Christi ad complacendum ei, quasi quibusdam allectiuis muneribus; indulgenciis videlicet et remissionibus salubriter inuitamus, ut exinde reddantur Diuine gratie aptiores. Cupientes igitur, ut Ecclesia Fratrum Predicatorum in Ciuitate Strigoniensi congruis honoribus frequentetur; omnibus uere penitentibus et confessis, qui ad ecclesiam ipsam in festis subscriptis, videlicet in die (dedica)cionis et in anniuersario eiusdem, in festo Beati Petri martir is, in festis Sanctorum Confessorum- - - - Dominici et Martini, (in festo Sancte) Katerine Virginis et martiris et- - - octauas omnium solemnitatum predictarum causa deuocionis accesserint, uel manum (por)rexerint adiutricem; Nos de Omnipotentis Dei misericordia et Beatorum Petri et Pauli Apostolorum eius auctoritate confisi, singuli singulas quadragenas annis singulis de iniuncta sibi penitencia, dummodo consensus Diocesani accesserit, misericorditer relaxamas. In cuius rei testimonium presentes litteras fecimus sigillorum nostrorum munimine roborari. Datum apud Vrbem Veterem anno Domini millesimo ducentesimo LXXXş IIIIş Pontificatus domini Martini Pape Quarti anno quarto.
(Az eredeti után Knauz Nándor Magyar Sion III. köt. 623. l.)