Ladyzlaus Dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in eo, qui Regibus dat salutem. Ad vniuersorum tam presencium quam futurorum noticiam harum serie volumus peruenire, quod Comes Johannes filius Iseph ab una parte, 226Zenke filius Beed, Iuanka filius Kerew, Nycolaus filius Tyze, Benke filius Emerici, Petrus filius Pentek, Neged filius Marcus, castrenses Castri Symigiensis de villa Mogorey, una cum Antaleo filio Vytalis iobagione Castri eiusdem de Maach ex altera coram nobis personaliter constituti, ijdem castrenses humiliter suplicando a nobis instantissime postularunt, vt litteras priuilegiales Conuentus Monasterij Sancti Egidij de Symigio, que inter ipsum Comitem Johannem et predictos castrenses de uoluntate et communi consensu eorundem pacifice et amicabiliter propter utilitatem partis utriusque emanarunt, ratas habere, et nostro dignaremur priuilegio confirmare. Quarum quidem priuilegialium litterarum tenor talis est:
Conuentus Monasterij Sancti Egidij stb. (következik a somogyi konventnek 1277-ki bizonyságlevele, mint fentebb a 126. sz. a., 184. l.)
Ceterum Zenke cum suis socijs ac cognatis castrensibus videlicet preuotatis precauentes, ne per ipsum Comitem Johannem aut eius heredes heredumue successores in qualitate et quantitate suarum terrarum et eiusdem utilitatum ibidem in Mogorey existencium cursu temporis possint vel debeant grauamen aut preiudicium tolerare; dixerunt conquerendo, quod in ipsa terra Mogorey simul cum omnibus utilitatibus suis tantam haberent, quantam predictus Comes Johannes in ipsa terra habere dinoscitur porcionem. In cuius rei memoriam et perpetuamque firmitatem ad peticionem tam ipsius Comitis Johannis, quam castrensium predictorum presentes concessimus litteras dupplicis sigilli nostri munimine roboratas. Datum per manus discreti viri Magistri Nicolai aule nostre Vice-Cancellarij dilecti et fidelis nostri. Anno Domini MşCCşLXXş nono, Regni autem nostri anno septimo.
(Eredetie bőrhártyán; Horvát István kézirataiból közli Érdi János.)