Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Ad vniuersorum noticiam tenore presencium volumus peruenire, quod consideratis meritorijs obsequijs et obsequiosis meritis Comitis Jaak filij Ebed de genere Jaak, que nobis et karissimo patri nostro Regi Stephano inclite memorie in omnibus expedicionibus Regni nostri, et specialiter in conflictu, quem contra Regem Boemie habebamus, in quo eodem Rege in area belli interempto, alijs uero suis Baronibus cesis et quibusdam in captiuitatem redactis, idem Comes Jaak intime fidelitatis desiderium exprimens, sub nostro vexillo hostium cuneos non formidans, sed in concepta fidelitate fideliter perseuerans felici triumpho militauit, ac propter alia ipsius seruicia, que tempore persecucionis infidelium nostrorum nostre gracie se submittens, nolensque eisdem adherere, in suis possessionibus et rebus dampna quamplurima est perpessus; pro hijs igitur et huiusmodi seruicijs predicti Jaak occurrere volentes Regio cum fauore, in aliqualem recompensacionem suorum seruiciorum nobis fideliter impensorum, quandam terram castrensium Castri Ferrei Thezaar vocate, terre sue Jaak vocate contiguam et vicinam, a castrensis condicionis hominibus eandem habitantibus destitutam, nostreque collacioni pertinentem, in cuius quidem terre pacificia et quieta possessione dictus Comes Jaak a tempore Regis Bele aui nostri et Regis Stephani patris nostri Illustrium Regum Hungarie felicium recordacionum pacifice et quiete permansisse dinoscitur usque modo, dedimus, donauimus et contulimus eidem Comiti Jaak et suis heredibus heredumque suorum successoribus sub eisdem metis et terminis iure perpetuo et irreuocabiliter possidendam. In cuius rei 199memoriam perpetuamque firmitatem presentes concessimus litteras sigilli nostri munimine roboratas. Datum per manus venerabilis viri Magistri Johannis Prepositi Budensis, Albensis Ecclesie Electi, Aule nostre Vice-Cancellarij dilecti et fidelis nostri, anno Domini Mş CCşLXXş octauo, tercio kalendas Septembris Regni autem nostri anno septimo.

(Eredetie börhártyán, melyről a zöld-sárga-viola szinű szelyemzsinóron függő pecsét már lehullott, a nemz. museum kézirattárában.)