Nos Ladizlaus Dei gracia Rex Hungarie damus pro memoria significantes vniuersis presencium per tenorem, quod terram Kuldu vocatam, quam dominus B. auus noster, et dominus St. pater noster karissimi Illustres Reges Hungarie felicium recordacionum Ecclesie Beate Virginis de Insula, ubi domina Elisabeth karissima soror nostra et alie sorores Deo iugiter famulantur, dinoscitur contulisse suis priuilegijs, confirmando dedimus, donauimus, contulimus et nos ipsi Ecclesie perpetuo possidendam; reuocando collacionem, quam Symoni et alijs nobilibus feceramus de eadem; quia ijdem falsa suggestione postularant terram memoratam: et ad possessionem ipsius terre corporalem per Walterum Comitem de Kamarum, Rectorem Castri Budensis, coram testimonio Capituli Budensis fecimus introduci. Datum in Castro Budensi tercia feria proxima post festum Beate Margarete Virginis, anno Domini MşCCşLXXş quinto.

(Eredetie bőrhártyán, a hátul oda nyomott pecsét töredéke megvan; a budai kir. kamarai levéltárban.)