Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus presentes litteras inspecturis salutem in omnium saluatore. Juri consentaneum et equitati congruum inuenitur, ut Regum liberalitas suorum meritis subiectorum dignis respondeat donatiuis, ut nedum ipsi fidelitatibus adhereant indefessis, verum eciam alij eorum exemplo ad fidelitatis opera forcius accendantur. Proinde ad uniuersorum noticiam tam presencium quam futurorum harum serie uolumus peruenire, quod attendentes eximias fidelitates et immensorum seruiciorum obsequiosa merita Oliuerij et Herbordi filiorum Gregorij fidelium nostrorum, que ijdem nobis et Corone Regie in diuersis expedicionibus Regni nostri, et specialiter in Teutonia sub castro Furustun nuncupato, cum Matheo Bano, Comite Dionisio, et Comite Johanne filio Henrici Bani fidelibus Baronibus nostris, qui de nostro mandato ibidem deuastaciones committebant, ubi eciam frater ipsorum Oliuerij et Herbordi nomine Thomas uiriliter dimicando extitit interemptus; laudabiliter impenderunt fideliter ac deuote; nos huiusmodi gratuita seruicia prefatorum, et alia, que propter sui prolixitatem enarrari obmittuntur per singula suo modo, in memoriam reuocantes, in aliqualem recompensacionem seruiciorum eorundem, et effusionem sanguinis seu mortem iam dicti Thome, benignitate Regia occurrentes, licet maioribus digni haberentur, et nostre sit intencionis, ipsis loco et tempore impocioribus prouidere, quandam vacuam terram Castri Zaladiensis ad usum trium aratrorum sufficientem, contiguam terre eorum, super qua quondam Hegun et sui cognati castres (így) Zaladienses residebant, prout hec nobis per litteras prefati Johannis Comitis Zaladiensis eo tempore fuerunt intimata, eisdem Oliuerio et Herbordo, et per ipsos heredibus eorum heredumque suorum successoribus cum omnibus vtilitatibus, attinencijs et pertinencijs suis uniuersis, dedimus, donauimus et contulimus de omnium Baronum nostror um consilio, consensu et assensu, iure perpetuo possidendam. Mete autem terre eiusdem, sicut ex tenore litterarum Abbatis et Conuentus Zaladiensis nobis innotuit, hoc ordine distinguntur: Prima meta incipit ab oriente a fluuio Zala tendens uersus meridiem ad riuulum Fernukag vocatum, ubi sunt due mete; deinde pergit ad metas terre ville Jerse vocate transeundo dictum riuulum; hinc eundo iuxta fluuium Howas nuncupatum, et ibi in ualle sunt due mete iuxta uiam; deinde pergit ad caput cuiusdam vallis, ubi circa uiam sunt due mete; hinc peruenit ad commetaneitatem Gabrielis et Keseud; abinde flectitur ad aquilonem in uia, et ibi sunt due mete; dehinc uenit ad fluuium Fenukag, ubi sunt due mete; inde in monte sunt due mete, una terrea et alia in arbore cerasea; deinde transeundo quandam vallem uenit ad montem, ubi in antiqua via sunt due mete; abinde uenit ad uerticem vnius vallis, ubi sunt due mete; hinc tendit ad partes fluuij Zala ad duas metas; dehinc regreditur ad metas terrarum predictorum Keseud et Gabrielis, et ibi terminatur. In cuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi aule nostre Vice Cancellarij dilecti et fidelis nostri anno Domini millesimo CCşLXXş tercio, regni autem rostri anno securdo. Metropolitica Sede Sancte Strigoniensis Ecclesie uacante; venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Job Quinqueecclesiensi, Paulo Wesprimiensi aule nostre Cancellario, Philippo Waciensi aule domine Regine karissime consortis nostre Cancellario Comite Neugradiensi, Tymotheo Zagrabiensi, Lodomerio Waradiensi, Dionisio Jauriensi et Petro Transsiluano Episcopis Ecclesias Dei feliciter guberrantibus. Rolando Palatino, Henrico Bano tocius Sclauonie, Joachino Magistro Tauarnicorum Comite de Plys, Matheo Bano Judice Curie, Nicolao Woyauoda Transsiluano Comite de Zonuk, Renoldo Magistro Dapiferorum Comite Zalgageuriensi, Paulo Bano de Sceurino Comite de Dobaka, Moys Comite Simigiensi, Johanne Comite Supruniensi, Dedalo Comite Zaladiensi, et alijs quam pluribus Comitatibus (így) Regni tenentibus et honores.

(Eredetie bőrhártyán, a barna-zöld selyemzsinóron függött pecsét elveszett, a budai kir. kamarai levéltárban. Töredékét kiadta Fejér Cod. Dipl. V. köt. 2. r. 117. l.)