(L)aurencius Palatinus et Comes Symigiensis vniuersis Christi fidelibus presencium noticiam habituris salutem in Domino. Ad vniuersitatis vestre noticiam tenore presencium volumus peruenire, quod cum nos dominus noster Illustris Bela Rex Hungarie ad reuocandas terras ac alia iura nobilium per vduornicos castrenses, et populos domine Regine, ac alios cuiuslibet condicionis homines occupata, ad Comitatum Symigiensem transmisisset, et quinque nobiles de ipso Comitatu electos per omnes nobiles de eodem Comitatu Johannem scilicet filium Ysep, Cosmam de Kuazna, Stephanum filium Ders, Gregorium filium Johannis, et Thomam filium Mortunus de Wyslou nobis in socios deputasset, et ijdem quinque nobiles socijnostri iureiurando, tacto sancto et viuifico crucis signo domino Regi promisissent, quod non aliud nisi iura nobilium indebite per condicionarios occupata restituerent, et eciam secundario nobis tactis sacrosanctis reliquijs et ewangelio super filios filiorum iurassent illud idem, et recepta tali caucione processissemus ad preceptum domini supradictum, Ambrosius filius Ambrosij, Christoforus filius Barlabe, et Jacobus filius Abraham, nobiles de Hetus, de Adamus, Feldryco, Valentino et cognatis suis, jobagiobus Castri Symigiensis de villa Saroslau, quandam particulam terre sue hereditarie, quam de terra eorum Denna vocata receptam et violenter occupatam esse dicebant coram nobis, et coram coiudicibus nostris predictis, per formam inquisicionis pecierunt sibi reddi. Verum cum nos ad ipsam inquisicionem processissemus, sciuimus veraciter, dictam particulam terre fuisse de iure hereditario nobilium de Hetus predictorum; ad maiorem tamen cautelam ipsos nouobiles de Hetus super predicta particula terre personaliter constitutos ad personas suas et ad filiorum suorum iurare fecimus orribili iuramento super eo, quod ipsa particula terre, quam reambulauerunt, fuerit ipsorum hereditaria, et per dietos jobagiones Castri indebite occupata. Cum itaque diligentissimus inquisicione facta, et recepta iuratoria caucione, ut prediximus, inuenerimus, dictam particulam terre esse hereditariam ipsorum nobilium predictorum, eandem ipsis nobilibus, exclusis jobagionibus Castri predicti de eadem, restituimus hereditario iure perpetuo possidendam, et metas, sub quibus ijdem nobiles ipsam terram possidere debeant, fecimus eleuari. Mete autem hoc ordine distinguntur: Incipit prima meta a parte meridionali iuxta villam Ambrosij predicti Denna vocatam iuxta fluuium Denna, et ibi sub arbore ceraso sunt mete; deinde in eodem fluuio vadit ad partem septemtrionalem metis duplicibus, et peruenit usque ad metas terre nobilium de Elya, et ibi sub una queren sunt mete; deinde flectitur ad orientem iuxta metas et terminos terre nobilium de Elya, et vadit cum metis duplicibus, et venit usque ad aliam terram hereditariam ipsius Ambrosij, de qua eadem particula erat excepta, ubi contiguatur cum illa; et sic terminatur. In cuius rei memoriam et perpetuam firmitatem presentes concessimus litteras sigilli nostri, et sigillorum nostrorum sociorum munimine roboratas. Datum per manus Magistri Sebastiani Cantoris de Posoga et Canonici Albensis Prothonotarij nostri anno Domini M°CC°LX° octauo.
(IV. László királynak 1274-ki megerősítő privilegiumából, a budai kir. kamarai levéltárban. Töredékét közölte Fejér Cod. Dipl. VII. kötetében. 1. r. 349. l.)