Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus presentem litteram (cernen)tibus salutem in omnium saluatore. Ad vniuersorum (tam presencium quam futurorum) noticiam harum serie volumus peruenire, quod cum inter Mark, Jurusam et Myruzlaum Comites de Ryuche ab vna parte, et (nobiles) prediales liberos, Hungaros videlicet, et jobagiones Castri de Ryuche ex altera super denarijs descensualibus Comiti Parochiali debitis et s - - - - - - citacionibus ac judicijs frequens discordia, et multiplex materia jurgiorum fuisset suscitata, et assidua super hys querimonia per eosdem prediales et jobagiones Castri ad nostras aures deuenisset, nos finem litibus imponere cupientes, vt huiusmodi dissensiones et malignandi materia vel occasio de ipsorum medio penitus euellatur, mediante venerabili patre Philippo Archiepiscopo Strigoniensi, aule nostre Cancellario, dilecto et fideli nostro, cui status ac libertas predicte terra de Ryuche plenius constabat ab antiquo, taliter super hys duximus sentencialiter ordinandum: Vt viginti quinque prediales supradicti tantundem soluere debeant racione descensus ipsis Comitibus de Ryuche pro tempore constitutis, quantum tunc soluebant, cum fuerunt numero sexaginta prediales, videlicet septem marcas, secundum quod in priori nostro priuilegio eis concesso continetur, nec aliquatenus ad maiorem solucionem per Comites de Ryuche compellantur, non obstantibus litteris vel priuilegio, si quas eisdem Comitibus de Ryuche medio tempore secundum tenorem libertatum predialum de Garyg (in) huiusmodi concessimus. Ceterum super indebitis citacionibus et judicijs, quibus se dicebant agrauari; taliter decreuimus, vt predicti Comites (vel sui) officiales, memoratos prediales et jobagiones Castri, nec non populos eorundem in illis casibus, in quibus 125ijdem coram Comitibus Parochialibus astare u - - non debeant, nec valeant iudicare, nisi associato sibi vno de tribus fidelibus nostris nobilibus Sclauonie; Incone videlicet Comite filio Isaak, vel Farkasio filio Tolomerij, aut Stephano filio Belus Bani; nec sine testimonio Capituli vel loci conuentualis ijdem prediales et eorum populi citari valeant ad presenciam Comitum predictorum. Premissa itaque pro tanto sic ordinari, et presentibus inseri volumus; quia manifestam causam suspicionis habuerunt contra Comites antedictos, cum quibus pro reformacione libertatis sue diucius in lite contenderunt. In cuius rei memoriam firmitatemque perpetuam presentes memoratis predialibus et jobagionibus Castri concessimus litteras duplicis sigilli nostri munimine roboratas. Datum per manus Magistri Farcasij Electi in Prepositum Albensem, aule nostre Vice-Cancellarij, dilecti et fidelis nostri anno Dominice Incarnacionis millesimo ducentesimo sexagesimo quinto, XIX. kalendas Februarij, Regni autem nostri anno tricesimo.
(Lajos királynak 1380-ki „Crisij farie tercia proxima post festum Natiuitatis Beati Johannis Baptiste” kiadott megerősítő privilegiumából, mely „Andreas filius Dragoch Suppanus, Petrus filius Iwan, Perezlaus filius Mark, et Gregorius filius Fabiani, nobiles jobagiones Castri nostri de Ryuche”; és pedig „relatio domini Petri Zudar Bani”-ra kiadatott; a budai kir. kamarai levéltárban.)