Magister Laurencius Judex aule Regie Comes Zaladiensis omnibus, quibus presentes ostenduntur, salutem in omnium saluatore. Solet causarum definicio litteratum testimonio roborari, ne per longinquum abusu temporis procedente falsitas preiudicet equitati, et iniquitas dominetur pietati. Hinc est, quod ad uniuersorum noticiam tenore presencium volumus peruenire, quod cum inter Ipolitum Comitem, Endre et Leustachium de Radoch ab una parte; Petrum filium Feliciani et fratres suos ex altera, questio fuisset exorta, et inter eosdem extitisset diucius disceptatum; demum obtenta licencia de Simone Comite Viceiudice nostro submiserunt se arbitrio sex nobilium, uidelicet Laurencij Comitis filij Hendrici, Benche filij Benche, et Alexandri filij - - vocatorum de parte Petri et fratrum suorum; item Johannis filij Isip, Gregorij filij Gyl, et Gregorij filij Iharos de parte aduersa adducendorum, sub pena iudicij decem marcarum, si qua parcium de predictorum arbitrorum sentencia resiliret. Qui postmodum ad nos redeuntes in pacis vnionem si dixerunt deueuenisse, exhibentes litteras eorundem arbitrorum hec uerba continentes:
Viro nobili et honesto (Comiti Simoni) Viceiudici Curie domini Regis Laurencius Comes de Kermend, Johannes filius Isip, Gregorius filius Iharos, et Benche filius Benche, inclinati indissolubili modo amicicie, tenore litterarum vestrarum memorialium taliter vidimus contineri; quod causa, que inter Ipolitum Comitem, Endre et Leustachium ab vna parte; Petrum filium Feliciani et fratres suos ex altera vertebatur de metis ipsorum, Laurencius Comes filius Heydrugh, Benche filius Benche - - - - - a parte Petri; Johannes filius Isip, Gregorius filius Gil et Gregorius filius Iharos a parte nobilium predictorum in facie terre Ewles vocate arbitrari tenentur inter patres intro notatas; quod si omnes arbitri interesse non 36possent, arbitrio trium vel quatuor ipsorum causa parcium finaliter deciretur; taliter videlicet, quod si que parcium a nostro resiliter arbitrio, ante responsionem parti parenti iudiucium decem marcarum soluere teneretur. Nos vero prenominati Laurencius, Gregorius, Johannes et Benche eo die in facie terre assistentes inter partes taliter sumus arbitrati: Quod Petro filio Feliciani et fratribus suis suam terram diuisimus tali distinccione; ex vna parte mete autem taliter egrediuntur, quod ex parte septemtrionali iuxta fundum sue sessionis prima meta incipit iuxta fluuium super quandam arborem, que uulgariter jartanos dicitur; inde tendit in partem orientalem, in capite vnius vallis tendit in arbore byk, sub qua est signum crucis, subtus quo est meta; inde tendit in partem meridionalem ad arborem byk, sub qua est meta cumulata; in eadem autem parte meridionali vadit ad arborem ilicis, sub qua est meta; inde tendit subtus ad metam; inde tendit ad quandam arborem ihor, et dencendit in aquam; in eadem aqua tendit ad arborem cerasi, sub qua est meta; inde tendit in partem meridionalem in siluis arborum byk, super quibus signa crucis sunt facta; inde in quodam loco retorto tendit ad arborem byk, sub qua est meta; inde tendit in partem occidentalem in via et ibi est in dumo monyero meta est designata; inde tendit in partem meridionalem per arbores has et bikfa; inde tendit ad arborem has inter partes diuisam, sub qua est meta; inde tendit iuxta viam ad campos ad quandam arborem fenyw, sub qua est meta; inde tendit ad arborem cher, vbi sunt due mete terree iuxta vallem; inde tendit ad partem meridionalem ad metam terream; inde iterum ad aliam metam terream; inde descendit ad finem vnius terre, ad alios extraneos commetaneos; inde tendit in eisdem commetaneis in partem occidentalem uidelicet ad caput vallis est meta sub arbore cher; inde tendit in eadem valle in partem septemtrionalem ad caput vallis, ubi est meta; per eandem vallem tendit ad caput cuiusdam fontis, qui fons suo meatu tenet sibi metam vnque in priorem metam, que est iuxta fundum sue sessionis. His autem ordinatis partes nostro arbitrio consencientes vestro misimus conspectui sub forma pacis componendas. Et ut nostrum arbitrium inter partes ordinatum in futurum 37non renocetur, parcium littere nobis sunt concesse. Judicem uero placabunt in communi.
Vt igitur supra dicta diuidio partes inuiolabili firmitate obseruetur, ad peticionem parcium coram nobis personaliter comparencium, litteras predictorum arbitrorum confirmantes presentes litteras concessimus sigilli nostri munimine roboratas. Anno Domini M°CC°LX° secundo.
(Eredetie bőrhártyán a főmélt. hg. Batthyány család levéltárában; megrongált állapotban és nehezen olvasható.)