Nos Capitulum vniuersum Nonensis Ecclesie Sancti Asselli (Anselmi) significamus vniuersis et singulis Christi fidelibus tam presentibus quam futuris presentem paginam inspecturis. Ad vniuersorum noticiam et perpetuam rei memoriam harum serie volumus peruenire, quod accedens ad nostram presenciam nobilis vir Ladizlaus filius condam Comitis Jacobi de Corbauia Gusych parte ex vna, et Bogdan et Stanizlaus fratres, filij Chrelat, nec non Stipanus et Radouanus filij Bogdoslaui, simul et uicissim consanguinei omnes de generacione Laptaue nobiles de Lapat; quibus omnibus supradictis circa nos existentibus idem Ladizlaus in nostra presencia, et in dicta ecclesia protulit hec uerba dicens; quod ipse attendens multimoda ac crebra seruicia a predictis nobilibus de Lapat et suorum antecessorum sibi et suis antecessoribus a multis temporibus retroactis fideliter inpensa, et in futurum inpendenda, in reconpensacionem et retribucionem huiusmodi suorum seruiciorum, quandam terram seu possessionem suam desertam in Buxaue Somilaue dictam, existentem prope aliam villam suam Radoslaulauas, quas possidet dictus Ladizlaus ex dono Regie Maiestatis, prout nobis claruit ibidem per quoddam priuilegium Serenissimi domini nostri Bele Regis scriptum in Mş ducentesimo quinquagesimo, septimo idus Februarij, et aliud Magnifici Stephani tocius Croacie Bani scriptum in M. IIş II. sub eorum sigillis pendentibus, predictam villam Somilaue dictam in Buxaue cum omnibus et singulis suis juribus, perpetatibus, vtilitatibus et pertinencijs vndique suis, predictus Ladizlaus per se suosque heredes heredumque suorum dedit, tradidit atque donauit perpetuo et inreuocabiliter predictis nobilibus Bogdano et Stanizlao, nec non Stipano et Radouano de Lapat, eis et eorum heredibus heredumque suorum, ad habendum, tenendum, gaudendum, possidendum, quamdiu fedelia (így) seruicia iusta et honesta ipsi uel eorum heredes predicto Ladizlao et suis heredibus exhibere voluerint ex eadem. In cuius rei testimonium et perpetuam firmitatem de rogatu et peticione parcium predictarum has presentes contulimus sigilli nostri de subtus pendentis munimine roboratas. Datum None in dicta nostra kathedrali ecclesia Sancti Assell sub anno Domini M. IIş L. VIII. mensis Septembris die tercio.
(A zágrábi káptalannak átiratából, mely kelt 1384. „feria secunda proxima ante festum Purificacionis Virginis Gloriose”, s melyet „Stanizlaus filius Jurizlay et Mathe filius Priboy de Somlyan de generacione Hlapeth” kért; a budai kir. kamarai levéltárban.)