Conuentus domus Hospitalis Sancti Stephani Regis de Strigonio omnibus presentes litteras inspecturis salutem in Domino. Ad vniuersorum noticiam uolumus peruenire, quod Jula de Puruzlov de genere Sarcyvanveclu, ad nostram accedens presenciam proposuit, quod totalem terram, que in uilla Boyon ad ipsam generacionem Sarcyuauveche pertinebat, cum vineis et aliis pertinenciis uendidisset Scemeyno Comitj Ciui Strigoniensi, pro sedecim marcis argenti, presente et consenciente Petro filio Adriani de eadem generacione. 204Assumendo, quod si aliqui de suo genere ipsum Comitem Scemeynum super uendicione dicte terre inquietare attemptarent, idem Jula deffendere tenebitur. Item Magister Vincencius Archidiaconus Nitrieusis, et frater suus Guncel partem, que ipsos de dicta terra Boyon hereditarie contingebat, vendiderunt eidem Comiti S. pro tribus marcis argenti; quas decein et nouem marcas prenominati uenditores confessi sunt a dicto Comite S. sibi fuisse plenarie persolutas. Et hec uendicio facta est salua parte Domus Hospitalis Sancte Crucis de Strigonio, quam domum tam ipsi venditores, quam dicti Hospitalarij confessi sunt in eadem terra sextam partem possidere. Et ipsa totalis terra, prout ijdem venditores retulerunt, a parte orientali tenet metas cum monetarijs; a parte meridionali cutu Nicholao filio Johannis de genere Capatan; a parte occidentali cum Cruciferis Sancti Regis, a septemtrionali iterum cum utonetarijs, et sic continuatur prioribus metis. Super quo litteras nostras testimoniales Semeyno Comiti pecierunt exhiberi. Nos ergo ad instanciam peticionis eorumdem presentes concessimus litteras, sigilli nostri munimine roboratas. Anno Dominice Incarnacionis millesimo ducentesimo quadragesimo quinto.

A B C D

(Az eredeti után Knauz Nándor, Magyar Sion II. köt. 524. l.)