Bela Dei gracia Hungarie, Dalmacie, Croacie, Rame, Seruie, Galicie, Lodomerie Comanieque Rex omnibus Christi fidelibus presens scriptum inspecturis salutem in eo, qui est salus omnium. Ad uniuersorum presencium ac posterorum noticiam harum serie volumus peruenire, quod Saulus filius Johannis de Insula ad nostram accedens presenciam, humiliter nobis et instanter supplicando flagitauit, vt cum idem super terre sue negocijs per judices terrarum in Comitatu Posoniensi per nos constitutos sepe et sepius fuisset molestatus, quam, vt dicebat, terram ab ipso ijdem judices in magna quantitate abstulerant, et castro restituerant; terram, quam sibi relinquendam duxerunt, ne vlterius molestaretur pro eadem, nostris sibi litteris dignaremur confirmare. Nos vero solito benignitatis nostre fauore ipsius peticionem, que justiciam continebat, intendentes admittere, dilectis et fidelibus nostris I. Preposito et A. Comiti Posoniensi dedimus in mandatis diligenter, vt in sua fide, qua Deo et nobis tenentur, studerent intimare, quantum terre predicto S. esset relicta de sua et suorum coniudicum consciencia. Qui nobis, licet singulariter in diuersis litteris, et sub suo quilibet sigillo nobis non incognito sub eodem omnino tenore et serie verborum rescripserunt. Littere autem dicti Comitis erant sub hac forma:
Reuerendo domino suo B. Dei gracia Regi stb. (mint alább 30. sz. a.)
Littere quoque Prepositi memorati litteris Comitis memorati omnino concordabant.
Nos autem tenorem litterarum ipsarum diligenter acceptantes, terram S. prefati et fratrum eius litteris presentibus duplici sigillo nostro roboratis, tam sibi, quam suorum heredibus, et heredum successoribus duximus perpetuo confirmandum; silencium quibuslibet impeditoribus (így) super hoc perpetuum imponendo. Datum in Zotmar anno gracie Mş CCş tricesimo octauo, tercio kalendas Octobris, anno, anno vero Regni nostri tercio.
(A győri káptalannak 1400-ki „in festo BB. Philippi et Jacobi Apostolorum” kelt átiratából, melyet „nobilis domina Barbara vocata relicta, et Sigismundus filius Alexandri de Gwrgetegh Mathius filius Mathius, Jacobus filius Jacobi, Ladizlaus filius Stephani de eadem Gwrgetegh, et Ladizlaus filius Jochannis de Kelechy” kértek, a budai kir. kamarai levéltárban.)