Omnibus Christi fidelibus presens scriptum inspecturis Zagrabiensis Ecclesie Capitulum salutem in uero salutari. Ad uniuersorum noticiam tenore presencium volumus peruenire, quod Belko ex vna parte, et ex alia Damal et Iwan fili Wogsa ad nostram accedentes presenciam nobis intimauerunt, quod Endrey et Sepina de genere ipsorum dicto Selk terram suam nomine Ebus pro ducentis pensis argenti uendidissent. Item aliam terram Zbogcina idem Iwan et Damald prefato Selk pro trecentis pensis dixerunt se uendidisse. Item aliam terram Zbogcina Orisco et Sarcas filij Sarcas pro ducentis pensis se uendidisse dicto Selk sunt protestati. Ad maiorem uero certitudinem prefati uiri, qui scriptas terras uendiderunt, fideiussores statuerunt Crachun et Floryan filios Crachun, Cristan filium Zeuchey, Woychin filium Peter de Zagoria, Stephanus filium Radus, Wychen filium Wolchech, Martyn filium Nezdesa, Iwahen filium Moncha, Iwan filium Binch, Damasc filium Thomas, Wolchka filium Isan, Wlchizlau filium Ginbrina. Mete uero dictarum terrarum ita sunt site: Prima meta incipit ab oriente de monte, per quem uia transit, et iuxta uiam meta est terrea, quam metam tenent cum populis castri, qui uocatur Bolotyn; et inde descendit in uallem, et ascendit ad montem, ubi sunt due mete terree; et inde cadit ad paruam uallem, et tendit ad duas metas, que sunt iuxta uiam; et per eandem uiam tendit ad occidentem ad metam, que est sub arbore populea, et tenet metam cum populis castri, qui uocatur Macolsyn; et inde uadit ad paruam uallem, et ascendit superius ad duas metas, que sunt sub arbore tulfa; et inde tendit ad magnam uallem, in qua est riuus nomine Sabige, et per eandem aquam tendit ad magnam uiam, et ibi sunt due mete, in quibus est arbor keurus; et de illis duabus metis per eandem tendit ad septemtrionem in magnam siluam, et peruenit ad flumen, quod vocatur Cirinik, et ibi est meta iuxta aquam, et metam tenet cum iobagione castri, qui uocatur Zulich, et per eandem aquam, que currit per silvam, tendit ad orientem, et peruenit ad metam castri, que uocatur Polona; et inde per flumen Cyrynych tendit ad riuum Obrusiensem; et per eundem riuum tendit ad priorem metam. Item meta terre, quam Iwan et Damald uendiderunt, incipit ad meridiem per riuum Obrys, et uadit ad magnam siluam usque ad flumen Chernych; et per eandem aquam tendit usque ad terram Episcopi, et ibi meta est sub arbore zylfa; et inde tendit ad campum, et ibi est meta sub arbore tulfa; et per eundem campum uadit ad magnam uiam, et ibi sunt due mete, una est Episcopi, altera Selconis; et in magna uia transit ad montem; et inde tendit ad maiorem uiam Worosdiensem, ibi enim deficit meta Episcopi; et de magna uia procedit ad metam, que est sub parua arbore bacatya iuxta terram Zelco; et inde descendit ad magnam uallem, ubi est caput fluuij; et inde ascendit ad uiam ad occidentem, et procedit ad metam priorem, ubi est caput fluuij Obriensis. Terra uero, quam Orisco et Sarcas uendiderunt, sic metis est signata: Prima meta incipit iuxta magnam uiam de parte occidentali; et iuxta metam est caput parui fontis, qui currit ad riuum Globucy in magnam uallem; et inde ascendit in montem, ubi est meta sub arbore bicfa; et inde transit ultra uiam ad uiam, que est sub bicfa; et inde descendit in uallem, in qua est meta sub arbore tulfa, et uadit ad aliam aquam Globusciz; et per illam aquam tendit superius ad meridiem, et uadit superius ad uiam; et per eandem uiam ueniet ad magnam siluam, et cadit iterum ad magnam uiam; et inde per paruam uiam tendit ad occidentem, et ibi sunt mete in silua per arbores mete signate; et inde procedit per montes et ualles usque ad aquam Bynna, et ibi est iuxta aquam puteus crucis, et metam tenens cum Comite Goiden; et inde procedit superius iuxta aquam Bigna, et tendit usque ad terram castri, que uocatur Beletyncy, et ibi sunt due mete ultra aquam Bigna; et inde ascendit ad magnum montem, et ibi est meta sub arbore bicfa; et per eundem montem ueniet ad aliam metam, que est ihorfa, et est meta alia, et de parte occidentali super eundem montem est meta sub arbore gertanfa, et inde ueniet ad priorem metam usque ad caput fluuii Obris. Et ut ratum hoc et firmum permaneat litteras nostras contulimus super hoc sigilli nostri munimine roboratas. Secundo Stephano Episcopo Zagrabiensi existente, Fila Preposito, Pangracio Cantore, Johanne Lectore, Gregorio Custode, Petro Decano, et alijs multis. Anno gracie Mş CCş XXXş VIş.
(Eredetie bőrhártyán, a pecsét már elveszett, a főmélt. herczeg Eszterházy család levéltárában.)